قاراعاندى وبلىسىندا تۇرعىنعا قارۋمەن قوقان-لوقى كورسەتكەن ءماسليحات دەپۋتاتى سەرىك بەكماعامبەتوۆ 15 تاۋلىككە قاماۋعا الىندى، - دەپ حابارلايدى Dalanews.kz Bes.media-عا سىلتەپ.  

باسىلىم مالىمەتىنشە، بەكماعامبەتوۆ ازىرگە دەپۋتاتتىق مانداتىنان ايىرىلعان جوق. الايدا دەپۋتاتقا قاتىستى ەكى باپ - "قورقىتۋ" جانە "قارۋدى، ءوق-دارiلەردi، جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكiزۋ، ساقتاۋ، تاسىمالداۋ نەمەسە الىپ ءجۇرۋ" بويىنشا ءىس قوزعالعان.  

مانداتتان ايىرۋ تۋرالى ۇسىنىستى وبلىستاعى نۇرا اۋدانىنىڭ اۋماقتىق سايلاۋ كوميسسياسى جەرگىلىكتى ءماسليحاتقا ەنگىزەتىن بولادى. دەپۋتاتتىڭ جۇمىسى جانە ونىڭ ءماسليحاتقا قاتىسۋى بىلايشا ءتۇسىندىرىلدى:

"نۇرا اۋداندىق ءماسليحاتىنىڭ دەپۋتاتى سەرىك بەكماعامبەتوۆ ءماسليحاتتىڭ بارلىق سەسسيالارىنا، سونداي-اق نۇرا اۋداندىق ءماسليحاتتىڭ ونەركاسىپ، قۇرىلىس، جولاۋشىلار كولىگى، تۇرعىن ءۇي-كوممۋنالدىق شارۋاشىلىق، اگرارلىق ماسەلەلەر جانە ەكولوگيا جونىندەگى تۇراقتى كوميسسياسىنىڭ وتىرىستارىنا ۇنەمى قاتىسادى، ويتكەنى ول وسى كوميسسيانىڭ مۇشەسى بولىپ تابىلادى. ءماسليحات سەسسيالارى مەن تۇراقتى كوميسسيا وتىرىستارىنىڭ دالەلدى سەبەپتەرسىز رۇقساتتامالارى جوق".

21 قازاندا قاراعاندى وبلىسىنىڭ احمەتاۋىل اۋىلىندا ماس كۇيىندە بولعان بەكماعامبەتوۆ اۋىل تۇرعىنىن مىلتىقپەن قورقىتقان. ول ۇستالىپ، اقبتكء-نىڭ 434-بابىنىڭ 1-بولىگى بويىنشا "ۇساق بۇزاقىلىق" اكىمشىلىك ماتەريالدارىن قۇراستىردى جانە 15 تاۋلىككە قاماۋعا الىندى، ال ونىڭ كولىگى ايىپ تۇراعىنا قويىلدى.

"جۇرگىزىلگەن مەديسينالىق كۋالاندىرۋ ناتيجەلەرى بويىنشا سەرىك بەكماعامبەتوۆ جەڭىل ماس كۇيىندە بولدى. سونىمەن قاتار، ازىرگە دەپۋتاتتىق مانداتىنان ايىرىلعان جوق. الايدا دەپۋتاتقا قاتىستى ەكى باپ - "قورقىتۋ" جانە "قارۋدى، ءوق-دارiلەردi، جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكiزۋ، ساقتاۋ، تاسىمالداۋ نەمەسە الىپ ءجۇرۋ" باپتارى بويىنشا قىلمىستىق ءىس قوزعالدى. قازىرگى ۋاقىتتا جابىرلەنۋشىنىڭ بارلىق دالەلدەرى مۇقيات تەكسەرىلۋدە"، - دەلىنگەن حابارلامادا.