"جيىنىمىزعا «قازاق ەدەبيەتٸ», «انا تٸلٸ», «ۇلان», «ەكونوميكا», «درۋجنىە رەبياتا», «ۋيعۋر اۆازي» گازەتتەرٸ مەن «بالدىرعان», «اق جەلكەن», «ٷركەر», «اقيقات», «مىسل» جۋرنالدارىنىڭ باسشىلارى قاتىستى", – دەدٸ اباەۆ
جيىندا وقىرماننىڭ سۇرانىسىن ارتتىرۋ ٷشٸن رەداكتسييالىق ساياساتتى قازٸرگٸ كٷنگە ساي جاڭعىرتۋ مەسەلەسٸن تالقىلاعان.
– ەرينە, قازٸرگٸ قىم-قۋىت اقپاراتتار زامانىندا دەستٷرلٸ مەديانىڭ توقتاۋسىز دامىعان ينتەرنەت-رەسۋرستارمەن بەسەكەلەسە الاتىنى ەلدەقاشان دەلەلدەنگەن. وعان مىسال جەتكٸلٸكتٸ. بٸراق, ول ٷشٸن وقىرماننىڭ ۇدايى جاڭارىپ وتىراتىن قاجەتتٸلٸگٸن دٶپ باساتىن ساۋاتتى دا ۇتىمدى ستراتەگييا قاجەت.
كەزدەسۋدە بالالار مەن جاسٶسپٸرٸمدەرگە ارنالعان جۋرنالداردىڭ بولاشاعى مەسەلەسٸنە دە جەكەلەي توقتالدىق. ٶكٸنٸشكە قاراي, بٷگٸنگٸ تاڭدا زاماناۋي دٷنيەلەرگە سۋساعان ٶسكەلەڭ ۇرپاقتىڭ شەتەلدٸك مەديا-ٶنٸمدەرگە قىزىعۋشىلىعى جوعارى ەكەنٸ جاسىرىن ەمەس.
سوندىقتان, وتاندىق بالالار باسىلىمدارىنىڭ, اعارتۋ باعدارلامالارىنىڭ ت.ب. ساپاسىن كٶتەرۋ بٸز ٷشٸن كٶكەيكەستٸ مەسەلە بولىپ وتىر. وسىناۋ سان سالالى جۇمىستى سانداعان جىلدىق تاريحى, قالىپتاسقان دەستٷرٸ بار «ۇلان», «بالدىرعان», «اق جەلكەن», «درۋجنىە رەبياتا» باسىلىمدارىنان باستاۋعا تيٸسپٸز, دەيدٸ .
پٸكٸر الماسۋدىڭ سوڭىندا باسىلىمدار ينتەرنەتتەگٸ جەنە ەلەۋمەتتٸك جەلٸدەگٸ جۇمىستى كٷشەيتٸپ, ينتەراكتيۆتٸلٸكتٸ ارتتىرۋى قاجەت دەگەن پٸكٸرگە توقتالدىق. سونداي-اق, قوعامداعى كٶكەيكەستٸ مەسەلەلەرگە باسا نازار اۋدارىپ, تٶل ٶنٸمدەردٸڭ بەت-بەينەسٸن زامانعا ساي جاڭارتۋ جەنە كادرلىق ساياساتتى جاقسارتۋ قاجەت, – دەيدٸ اقپارات جەنە كوممۋنيكاتسييا مينيسترٸ.
اباەۆ سونىمەن ايتۋلى اقىن, قوعام قايراتكەرٸ جەنە رەسپۋبليكالىق «جالىن» جۋرنالىنىڭ باس رەداكتورى مۇحتار شاحانوۆپەن جٷزدەسكەن.
– مۇحتار اعامىزبەن ەڭگٸمە بارىسىندا وتاندىق جۋرناليستيكانىڭ بٷگٸنگٸ اياق الىسىن, باسپاسٶزدٸڭ بولاشاعىن, سونىمەن قاتار, جاس قالامگەرلەرگە قولداۋ كٶرسەتۋ مەسەلەسٸن تٸلگە تيەك ەتتٸك, – دەيدٸ ول.
