ق ر پارلامەنتى سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتورايىمى داريعا نازاربايەۆا ق ر سىرتقى ىستەر مينيسترلىگى قىزمەتىنىڭ ماسەلەلەرى بويىنشا قوعامدىق كەڭەستىڭ جاڭا ءتورايىمى بولىپ سايلاندى، – دەپ حابارلادى ق ر ءسىم رەسمي سايتى.

د.نازاربايەۆا وسى لاۋازىمدا پارلامەنت سەناتىنىڭ دەپۋتاتى ءبىرعانىم ايتىموۆامەن اۋىستىردى. ءوزىنىڭ كىرىسپە سوزىندە نازاربايەۆا وسى سالاداعى زاماناۋي تالاپتار مەن جاھاندىق ترەندتەرگە جاۋاپ بەرەتىن سىرتقى ساياسي ۆەدومستۆو مەن ازاماتتىق قوعامنىڭ تىكەلەي بايلانىسىن قامتاماسىز ەتۋ قوعامدىق كەڭەستىڭ باستى مىندەتى بولىپ قالاتىنىن اتاپ ءوتتى.

– قازاقستان ءوزىنىڭ قاۋىپسىزدىك كەڭەسىندەگى مۇشەلىگىن، ۇلتتىق مۇددەلەرىمىزدى ىلگەرىلەتۋ ءۇشىن، ەڭ باستىسى، بۇۇ تاريحىندا قاۋىپسىزدىك كەڭەسىندە تۇڭعىش رەت ۇسىنىلىپ وتىرعان ورتالىق ازيادا تۇراقتىلىق پەن قاۋىپسىزدىكتى نىعايتۋ ءۇشىن پايدالانۋدا، – دەپ حابارلادى وتىرىستا سىرتقى ىستەر ءمينيسترى قايرات ءابدىراحمانوۆ.

بيىل 25-جىلدىعى اتاپ وتىلەتىن قازاقستان رەسپۋبليكاسى ديپلوماتيالىق قىزمەتىنىڭ نىعايتۋى مەن دامۋىنا قوسقان ۇلەسى ءۇشىن داريعا نازاربايەۆاعا مەرەيتويلىق مەدال تابىس ەتىلدى.

دەرەككوزى:  sputniknews.kz