ۇكىمەت قاۋلىسىمەن ەرجان شاكىر ۇلى نۇرلىبايەۆ دەنساۋلىق ساقتاۋ ۆيسە-مينيسترى قىزمەتىنە تاعايىندالدى، دەپ حابارلايدى Dalanews.kz.
ەرجان نۇرلىبايەۆ 1975 جىلى تەمىرتاۋدا دۇنيەگە كەلگەن. قاراعاندى مەملەكەتتىك مەديسينا اكادەمياسىن "ەمدەۋ ءىسى" ماماندىعى بويىنشا، قازتۇتىنۋوداعى قاراعاندى ەكونوميكالىق ۋنيۆەرسيتەتىن "مەنەدجمەنت" ماماندىعى بويىنشا بىتىرگەن.
ەڭبەك جولىن 1998 جىلى قاراعاندى №1 قالالىق اۋرۋحاناسىندا دارىگەر-حيرۋرگ بولىپ باستاعان.
2004-2006 جىلدارى اتالعان مەديسينالىق مەكەمە ديرەكتورىنىڭ ەمدەۋ ءىسى جونىندەگى ورىنباسارى قىزمەتىن اتقاردى.
ءار جىلدارى قاراعاندى وبلىسىنىڭ باس حيرۋرگى بولىپ قىزمەت ىستەپ، ح.ج. ماقاجانوۆ اتىنداعى وبلىستىق تراۆماتولوگيا جانە ورتوپەديا ورتالىعىن باسقاردى.
2014-2021 جىلدارى – قاراعاندى وبلىسى دەنساۋلىق ساقتاۋ باسقارماسىنىڭ باسشىسى.
2021 جىلدان باستاپ "قمۋ" كەاق ديرەكتورلار كەڭەسىنىڭ ءتوراعاسى قىزمەتىن اتقاردى.
قازىرگە دەيىن قاراعاندى قالاسىنداعى وبلىستىق كلينيكالىق اۋرۋحانانىڭ ديرەكتورى بولىپ جۇمىس ىستەدى.
