ەكس-پرەزيدەنت نۇرسۇلتان نازارباەۆتىڭ ٷلكەن قىزى داريعا نازارباەۆا ۆيتسە-پرەزيدەنت بولۋى مٷمكٸن بە? بۇل ساۋالعا مەجٸلٸس دەلٸزٸندە دەپۋتات ابزال قۇسپان جاۋاپ بەردٸ, دەپ حابارلايدى dalanews.kz.
جۋرناليستەر ەلەۋمەتتٸك جەلٸدە تٷرلٸ پٸكٸر جازىلىپ جاتقانىن, ولاردىڭ اراسىندا "ەسكٸ قازاقستان ٶكٸلٸ داريعا نازارباەۆا ۆيتسە-پرەزيدەنت بولۋى مٷمكٸن" دەگەن بولجام بار ەكەنٸن ايتتى.
"ەندٸ ەلەۋمەتتٸك جەلٸدە ەرتٷرلٸ پٸكٸر جٷرۋٸ زاڭدىلىق قوي. پٸكٸر الۋاندىعى, سٶز بوستاندىعى. قايسىبٸرٸنە پٸكٸر بٸلدٸرەمٸز?! قايسىبٸرٸن راستاپ, قايسىبٸرٸن جوققا شىعارامىز?! شىنىمدى ايتايىن, مەندە ٷمٸتكەرگە قاتىستى ەشقانداي نۇسقا جوق. دەل سول ايتىلعان كٸسٸ لايىقتى دەپ ويلامايمىن", - دەدٸ دەپۋتات باق ٶكٸلدەرٸنە.
2022 جىلى 25 اقپاندا داريعا نازارباەۆا مەجٸلٸس دەپۋتاتى رەتٸندە ٶكٸلەتتٸگٸن رەسمي تٷردە توقتاتقان ەدٸ. سودان بەرٸ قازاقستاننىڭ تۇڭعىش پرەزيدەنتٸنٸڭ قىزى ەشقانداي ساياسي قىزمەت اتقارماي, كٶپشٸلٸك نازارىنان تىس قالدى.
الايدا ەلدە ۆيتسە-پرەزيدەنت قىزمەتٸ قايتا ەنگٸزٸلەدٸ دەگەن جاڭالىقتان كەيٸن ەلەۋمەتتٸك جەلٸلەردە "داريعا نازارباەۆا ساياساتقا ورالۋى مٷمكٸن" دەگەن بولجامدار ايتىلا باستادى.
مەجٸلٸس دەلٸزٸندە دەپۋتات ايدوس سارىم دا وسىنداي پٸكٸرلەرگە قاتىستى ٶز ويىن بٸلدٸرٸپ, داريعا نازارباەۆانى "سٷيكٸمسٸز ساياساتكەر" دەپ اتادى. دەپۋتاتتىڭ ايتۋىنشا, "ونىڭ دەۋٸرٸ ەلدەقاشان ٶتٸپ كەتكەن".
ايتا كەتەيٸك, بٷگٸن, 20 مامىردا, پارلامەنت "پرەزيدەنت تۋرالى" كونستيتۋتسييالىق زاڭدى ەكٸنشٸ وقىلىمدا قابىلدادى. زاڭ بويىنشا قازاقستان رەسپۋبليكاسىنىڭ ۆيتسە-پرەزيدەنتٸ ينستيتۋتى ەنگٸزٸلٸپ, ونىڭ قۇقىقتىق جاعدايى ايقىندالادى. مەملەكەت باسشىسىنىڭ تاپسىرماسى بويىنشا ۆيتسە-پرەزيدەنت قۇرىلتايمەن, ٷكٸمەتپەن جەنە ٶزگە دە مەملەكەتتٸك ورگاندارمەن ٶزارا ٸس-ەرەكەت جاسايدى.
