Eks-prezident Nursultan Nazarbaevtyń úlken qyzy Dariǵa Nazarbaeva vitse-prezident bolýy múmkin be? Bul saýalǵa Májilis dálizinde depýtat Abzal Quspan jaýap berdi, dep habarlaidy dalanews.kz.
Jýrnalister áleýmettik jelide túrli pikir jazylyp jatqanyn, olardyń arasynda "eski Qazaqstan ókili Dariǵa Nazarbaeva vitse-prezident bolýy múmkin" degen boljam bar ekenin aitty.
"Endi áleýmettik jelide ártúrli pikir júrýi zańdylyq qoi. Pikir alýandyǵy, sóz bostandyǵy. Qaisybirine pikir bildiremiz?! Qaisybirin rastap, qaisybirin joqqa shyǵaramyz?! Shynymdy aitaiyn, mende úmitkerge qatysty eshqandai nusqa joq. Dál sol aitylǵan kisi laiyqty dep oilamaimyn", - dedi depýtat BAQ ókilderine.
2022 jyly 25 aqpanda Dariǵa Nazarbaeva Májilis depýtaty retinde ókilettigin resmi túrde toqtatqan edi. Sodan beri Qazaqstannyń tuńǵysh prezidentiniń qyzy eshqandai saiasi qyzmet atqarmai, kópshilik nazarynan tys qaldy.
Alaida elde vitse-prezident qyzmeti qaita engiziledi degen jańalyqtan keiin áleýmettik jelilerde "Dariǵa Nazarbaeva saiasatqa oralýy múmkin" degen boljamdar aityla bastady.
Májilis dálizinde depýtat Aidos Sarym da osyndai pikirlerge qatysty óz oiyn bildirip, Dariǵa Nazarbaevany "súikimsiz saiasatker" dep atady. Depýtattyń aitýynsha, "onyń dáýiri áldeqashan ótip ketken".
Aita keteiik, búgin, 20 mamyrda, Parlament "Prezident týraly" konstitýtsiialyq zańdy ekinshi oqylymda qabyldady. Zań boiynsha Qazaqstan Respýblikasynyń vitse-prezidenti institýty engizilip, onyń quqyqtyq jaǵdaiy aiqyndalady. Memleket basshysynyń tapsyrmasy boiynsha vitse-prezident Quryltaimen, Úkimetpen jáne ózge de memlekettik organdarmen ózara is-áreket jasaidy.
