Freedom Inside '26

دانيال احمەتوۆ: "جاستار اۋىلعا كەلسٸن دەسەك, ولارعا جاعداي جاساۋ قاجەت"

دانيال احمەتوۆ: "جاستار اۋىلعا كەلسٸن دەسەك, ولارعا جاعداي جاساۋ قاجەت"
جۇمىس ساپارىمەن كٶكپەكتٸ اۋدانىنا بارعان شىعىس قازاقستان وبلىسىنىڭ ەكٸمٸ دانيال احمەتوۆ اۋدانداعى جاس دەرٸگەرلەردٸ قونىس تويىمەن قۇتتىقتاپ, ولارعا پەتەر كٸلتٸن تابىس ەتتٸ. 

16 پەتەرلٸ, قايتا جٶندەۋدەن ٶتكەن ٷيگە جاس مامانداردان بٶلەك, كٶپبالالى, تولىق ەمەس وتباسىلارى, ەرەكشە كٷتٸمدەگٸ ازاماتتار, زەينەتكەرلەر دە قونىس اۋداردى.

ايتا كەتسەك, ايماقتىق باعدارلاما اياسىندا ٶتكەن ايدا كٶكپەكتٸ اۋدانىنىڭ اۋىلدىق جەرلەرٸندە تۇراتىن 34 كٶپبالالى وتباسى باسپانالى بولدى. ولاردىڭ قاتارىندا ۇستاز, تٶرت بالانىڭ اناسى الفييا گۋسەينوۆا دا بار. تٶرت بٶلمەلٸ, ٷلكەن جەر ٷيدٸ ٶزٸ تاڭداپ الىپتى.


- مەن ٶتە قۋانىشتىمىن. ٷيٸمە باقىت پەن شاتتىق تولدى. ايماق باسشىسىنا العىسىم شەكسٸز, - دەيدٸ الفييا گۋسەينوۆا.

وتباسىنىڭ قۋانىشىمەن بٶلٸسكەن ايماق باسشىسى جاڭا قونىسقا ارنايى بارىپ قۇتتىقتاپ, كٶرٸمدٸك رەتٸندە ٷلكەن تەلەديدار, بالالارىنا ەكٸ سمارتفون جەنە كٶپتەگەن ويىنشىقتار سىيعا تارتتى.