دانا نۇرجىگىت اتالعان تاعايىنداۋعا قاتىستى الەۋمەتتىك جەلىدە ءوز ويىن جازدى.
ء-قادىرلى وقىرماندارىم، قىمباتتى وتانداستار! ماعان جولداعان قۇتتىقتاۋلارىڭىزدى وقىپ وتىرمىن.كوپ راقمەت!
پرەزيدەنت جارلىعىمەن ماعان جۇكتەلگەن مىندەتتىڭ مارتەبەسى قانشالىقتى بيىك بولسا،سالماعى اتان تۇيەگە جۇك بولارلىق سونشالىقتى اۋىر ەكەنىن ءجىتى ءتۇسىنىپ وتىرمىن.
حالىق اماناتىن كوتەرىپ،كوپتىڭ ءۇمىتىن اقتاۋ ەندى ءبىزدىڭ بۋىنعا جۇكتەلىپ وتىر. ارىق سويلەپ،سەمىز شىقسىن دەيمىن...
قال-قاۋقارىمشا ادال ەڭبەك ەتىپ، ەل ومىرىنەن اجىراماي، كابينەت قىزمەتكەرى ەمەس، حالىق قىزمەتشىسى بولۋعا ۇمتىلامىن.
ونى ايتىپ وتىرعان سەبەبىم: "Dara jol" حابارى توقتامايدى.
سول جەردەگى كەزدەسۋلەر، ۇلگى تۇتار تۇلعالاردىڭ اقىلى، تاجىريبەسى، كەڭەسى حالىق پەن زامان تىنىسىن، تىرشىلىك تامىرىنىڭ سوعىسىن سەزىنۋگە ايتارلىقتاي سەپتىگىن تيگىزەرى انىق.
ۇلكەن ديىرمەنگە، مايدانعا كەتىپ بارا جاتىرمىن... اتىمدى ەرتتەپ، باتاڭىزدى بەرىپ،اقىل قوسقان بارشالارىڭىزعا العىس ايتامىن! اللا ابىروي بەرسىن دەيمىن...
زور قۇرمەتپەن:
دانا نۇرجىگىت
دانا نۇرجىگىت وسى كۇنگە دەيىن ءبىرقاتار ارنالاردا قىزمەت اتقاردى. سوڭعى كەزدەرى “قازاقستان” تەلەارناسىنان كورسەتىلەتىن “دارا جول” باعدارلاماسىنان بولەك، “بالاپان” تەلەارناسىنىڭ “دارا بالا” اتتى جوبالارىن جۇرگىزدى.
