Dana Nurjigit atalǵan taǵaiyndaýǵa qatysty áleýmettik jelide óz oiyn jazdy.
-Qadirli oqyrmandarym, qymbatty otandastar! Maǵan joldaǵan quttyqtaýlaryńyzdy oqyp otyrmyn.Kóp raqmet!
Prezident Jarlyǵymen maǵan júktelgen mindettiń mártebesi qanshalyqty biik bolsa,salmaǵy atan túiege júk bolarlyq sonshalyqty aýyr ekenin jiti túsinip otyrmyn.
Halyq amanatyn kóterip,kóptiń úmitin aqtaý endi bizdiń býynǵa júktelip otyr. Aryq sóilep,semiz shyqsyn deimin...
Qal-qaýqarymsha adal eńbek etip, el ómirinen ajyramai, kabinet qyzmetkeri emes, halyq qyzmetshisi bolýǵa umtylamyn.
Ony aityp otyrǵan sebebim: "Dara jol" habary toqtamaidy.
Sol jerdegi kezdesýler, úlgi tutar tulǵalardyń aqyly, tájiribesi, keńesi halyq pen zaman tynysyn, tirshilik tamyrynyń soǵysyn sezinýge aitarlyqtai septigin tigizeri anyq.
Úlken diirmenge, maidanǵa ketip bara jatyrmyn... Atymdy erttep, Batańyzdy berip,aqyl qosqan barshalaryńyzǵa alǵys aitamyn! Alla abyroi bersin deimin...
Zor qurmetpen:
Dana Nurjigit
Dana Nurjigit osy kúnge deiin birqatar arnalarda qyzmet atqardy. Sońǵy kezderi “Qazaqstan” telearnasynan kórsetiletin “Dara jol” baǵdarlamasynan bólek, “Balapan” telearnasynyń “Dara bala” atty jobalaryn júrgizdi.
