پاۆلودار قالاسىنداعى №5 مەكتەپتٸڭ ماڭىندا “دالا قىراندارى” رەسپۋبليكالىق جاستار ۇيىمىنىڭ پاۆلودار بٶلٸمشەسٸ سەمەي, قاراعاندى, قوسشى, تەمٸرتاۋ جەنە استانا قالالارىنان كەلگەن قىراندارمەن بٸرلەسكەن رەيد ٶتكٸزدٸ. بۇل باستاما — ايماقتىق بٶلٸمشەنٸڭ جۇمىسىنا قولداۋ كٶرسەتۋ ەرٸ پاۆلودارلىق كىراندارعا سەرٸكتەستٸك كٶمەك بەرۋ ماقساتىندا ۇيىمداستىرىلعان, دەپ حابارلايدى Dalanews.kz.
قىركٷيەك ايىندا №5 مەكتەپ ماڭىندا ٶتكەن رەيد بارىسىندا "دالا قىراندارى" وقۋ ورنىنىڭ جانىندا ەسٸرتكٸ ساتۋ مەن قولدانۋ دەرەكتەرٸن انىقتادى.سوندىقتان 5 قازان كٷنٸ كوماندا قايتادان سول جەرگە بارىپ, اۋماقتى تازالاپ شىقتى. سونىمەن قاتار بۇل ەرەكەت ارقىلى ولار بالالار مەن جاسٶسپٸرٸمدەردٸڭ قاۋٸپسٸزدٸگٸنە تٸكەلەي ەسەر ەتەتٸن مەسەلەگە بيلٸك پەن قوعامنىڭ نازارىن اۋدارتۋدى ماقسات ەتتٸ.
ٸس-شارانىڭ باستى ماقساتى — #ساتقىندارعا قارسى كٷرەس. بۇل باستاما پرەزيدەنتتٸڭ "زاڭ جەنە تەرتٸپ" تۇجىرىمداماسىنا ساي جٷزەگە اسۋدا. بٷگٸندە سينتەتيكالىق ەسٸرتكٸلەر – جاستارعا تٶنگەن ەڭ قاۋٸپتٸ قاتەرلەردٸڭ بٸرٸ. ولاردى تاراتۋشىلار, ياعني ساتقىندار, ٶز پايداسى ٷشٸن جاستاردىڭ دەنساۋلىعىن, ساناسىن جەنە بولاشاعىن قۇرتىپ كەلەدٸ. 2024 جىلدىڭ قىركٷيەگٸنەن بەرٸ ٶسكەلەڭ ۇرپاققا قاۋٸپسٸز ەرٸ سالاۋاتتى ورتا قالىپتاستىرۋمەن اينالىسىپ كەلە جاتقان ۇيىم ٷشٸن ەسٸرتكٸ قاتەرٸنە قارسى تۇرۋ – بٸر رەتتٸك شارا ەمەس.
رەيدتەن كەيٸن قاتىسۋشىلار قىلمىستىق ٸس-ەرەكەت ٸزدەرٸن جويدى — زاڭسىز اينالىمعا قاتىسى بار زاتتاردىڭ بارلىعىن ٶرتەپ جٸبەردٸ. اكتسييا بٸرلٸك پەن جاۋاپكەرشٸلٸك رۋحىندا ٶتتٸ. قازاقستاننىڭ التى قالاسىنان كەلگەن ۇيىم مٷشەلەرٸ مەن اۋدان تۇرعىندارى ٶز كٶشەلەرٸن قاۋٸپسٸز ەتۋ ماقساتىندا كٷش بٸرٸكتٸردٸ.
“دالا قىراندارى” ۇيىمىنىڭ پاۆلودار قالالىق بٶلٸمشەسٸ لەرمونتوۆ كٶشەسٸن ٶز باقىلاۋىنا الىپ, مۇندا ەسٸرتكٸ ساۋداسىمەن جەنە ونى تۇتىنۋمەن بايلانىستى ادامداردىڭ بولماۋىنا تۇراقتى تٷردە باقىلاۋ جٷرگٸزەدٸ”, — “دالا قىراندارى” پاۆلودار بٶلٸمشەسٸنٸڭ جەتەكشٸسٸ ەلامان ەرعانتاي مەلٸمدەدٸ.
“دالا قىراندارى” ۇيىمىنىڭ ٷيلەستٸرۋشٸسٸ ەراسىل سايلاۋوۆتىڭ ايتۋىنشا, ۇيىم مٷشەلەرٸنٸڭ ۇستانىمى ايقىن.
“سينتەتيكالىق ەسٸرتكٸدەن ازات قازاقستان — بۇل دەنٸ ساۋ ۇلتتىڭ, بەرٸك قوعامنىڭ جەنە قاۋٸپسٸز بولاشاقتىڭ كەپٸلٸ. تەك مەملەكەت پەن قوعامنىڭ, جاستاردىڭ بٸرلەسكەن ٸس-قيمىلى عانا #ساتقىنداردىڭ جولىن كەسٸپ, ەل ەرتەڭٸن ساقتاپ قالا الادى”, — دەيدٸ ول.
اكتسييا قورىتىندىسىن “دالا قىراندارى” جاستار قوعامدىق بٸرلەستٸگٸنٸڭ ٷيلەستٸرۋشٸسٸ نۇرعالي تۇرسىنعازيەۆ شىعاردى.
“بۇل اكتسييا — “دالا قىراندارى” رەسپۋبليكالىق بٸرلەستٸگٸنٸڭ ەسٸرتكٸ قاۋپٸنە قارسى كٷرەستەگٸ كەزەكتٸ قادامى عانا. قىراندار الداعى ۋاقىتتا دا رەيدتەر ٶتكٸزٸپ, جاستاردى تارتۋدى جەنە ٶز قالاسى مەن كٶشەسٸنە جاۋاپكەرشٸلٸكپەن قاراۋ مەدەنيەتٸن قالىپتاستىرۋدى جالعاستىرادى. ٶيتكەنٸ #ساتقىندار-عا قارسى تۇرۋ – ەلدٸڭ ەرتەڭٸنە بەيجاي قارامايتىن ەربٸر جاستىڭ پارىزى”, - دەدٸ ول.
