بٷگٸن «دالا قىراندارى» جاستار قوعامدىق بٸرلەستٸگٸنٸڭ شتاب-پەتەرٸندە تۋريزم جەنە سپورت مينيسترٸ ەربول مىرزابوسىنوۆتىڭ قاتىسۋىمەن دٶڭگەلەك ٷستەل فورماتىندا جۇمىس كەزدەسۋٸ ٶتتٸ, دەپ حابارلايدى Dala News.
كەزدەسۋ قولدانىستاعى ىنتىماقتاستىق مەموراندۋمى اياسىندا ۇيىمداستىرىلىپ, ەلدە جٷرٸپ جاتقان كونستيتۋتسييالىق رەفورما مەسەلەلەرٸنە ارنالدى. جيىنعا بٸرلەستٸكتٸڭ بەلسەندٸلەرٸ مەن ٷيلەستٸرۋشٸلەرٸ قاتىسىپ, ازاماتتىق قوعامنىڭ جاڭا كونستيتۋتسييا جوباسىن تالقىلاۋعا تٸكەلەي ارالاسۋى ماڭىزدى ەكەنٸن اتاپ ٶتتٸ.
«دالا قىراندارى» قوزعالىسىنىڭ ٷيلەستٸرۋشٸسٸ مادي رىمجانوۆتىڭ ايتۋىنشا, ۇيىم سوڭعى ەكٸ جىل بويى كونستيتۋتسييانىڭ 36.1-بابى اياسىندا جٷيەلٸ جۇمىس جٷرگٸزٸپ كەلەدٸ.
«بۇل قولدانىستاعى كونستيتۋتسييانىڭ 36.1-بابى. وندا قازاقستان رەسپۋبليكاسىن قورعاۋ ەربٸر ازاماتتىڭ قاسيەتتٸ بورىشى ەكەنٸ جازىلعان. بٸز ٶزٸمٸزدٸ ەڭ الدىمەن پاتريوت ەرٸ ەلٸمٸزدٸڭ قورعاۋشىسى دەپ سانايمىز. مەملەكەت باسشىسى جاڭا كونستيتۋتسييا جوباسىن تالقىلاۋعا قوعام بەلسەندٸ قاتىسۋى كەرەك ەكەنٸن ايتتى. بۇل جاستار ٷشٸن ٶز ۇسىنىستارىن ەنگٸزۋگە بەرٸلگەن ٷلكەن مٷمكٸندٸك. سول سەبەپتٸ بٸز تۋريزم جەنە سپورت مينيسترٸن شاقىرىپ, ٶز باستامالارىمىزدى تالقىلادىق. اتاپ ايتقاندا, مەملەكەتتٸڭ جەنە قوعامنىڭ مەملەكەتتٸك رەمٸزدەردٸ قورعاۋداعى ۇستانىمىن كٷشەيتۋ, ولاردىڭ مەرتەبەسٸن ارتتىرۋ جٶنٸندە ۇسىنىستار ايتتىق. جاڭا كونستيتۋتسييا جوباسىندا مەملەكەتكە رەمٸزدەردٸڭ بەدەلٸن كٶتەرۋ جٶنٸندەگٸ جاۋاپكەرشٸلٸك پەن رٶل ناقتى بەكٸتٸلۋٸ تيٸس دەپ ەسەپتەيمٸز. بۇل باعىتتا بٸزدە ناقتى ۇسىنىستار بار», – دەدٸ مادي رىمجانوۆ.
كەزدەسۋ بارىسىندا قوزعالىس ٶكٸلدەرٸ ٶز ۇسىنىستارىن ناقتى قوعامدىق تەجٸريبەگە سٷيەنە وتىرىپ جەتكٸزدٸ. ۇيىم ٷيلەستٸرۋشٸسٸ مەيربولات تويتوۆ مەملەكەتتٸك رەمٸزدەردٸ قورعاۋ تەتٸكتەرٸ بٷگٸندە جەتكٸلٸكسٸز ەكەنٸن ايتتى.
«36.1 باعىتى بويىنشا ەكٸ جىلدىق تەجٸريبەمٸزگە سٷيەنە وتىرىپ, مەملەكەتتٸك رەمٸزدەردٸ قورعاۋعا قاتىستى قولدانىستاعى شارالار, ٶكٸنٸشكە قاراي, تولىق نەتيجە بەرمەي وتىرعانىن سەنٸمدٸ تٷردە ايتا الامىز. رەمٸزدەرگە دەگەن قۇرمەتسٸزدٸك جەكەلەگەن جاعداي ەمەس, جٷيەلٸ ەرٸ جيٸ كەزدەسەتٸن قۇبىلىسقا اينالدى. بٸز مۇنداي فاكتٸلەرمەن كٷن سايىن دەرلٸك بەتپە-بەت كەلەمٸز», – دەدٸ مەيربولات تويتوۆ.
وسىعان بايلانىستى «دالا قىراندارى» كونستيتۋتسييانىڭ 9-بابىن كٷشەيتۋدٸ ۇسىنىپ وتىر. اتاپ ايتقاندا, مەملەكەتتٸك رەمٸزدەردٸ قۇرمەتتەۋ مەن قورعاۋ نورمالارىن كونستيتۋتسييالىق دەڭگەيدە بەكٸتۋ, سونداي-اق مەملەكەتكە بٸلٸم بەرۋ, مەدەنيەت جەنە باق ارقىلى رەمٸزدەرگە قۇرمەتتٸ كٶزقاراس قالىپتاستىرۋ مٸندەتٸن جٷكتەۋ قاجەت دەپ سانايدى.
ٶز كەزەگٸندە تۋريزم جەنە سپورت مينيسترٸ ەربول مىرزابوسىنوۆ ازاماتتىق ۇيىمدارمەن اشىق ديالوگتىڭ ماڭىزىن اتاپ ٶتٸپ, ۇسىنىستاردىڭ ٶزەكتٸلٸگٸنە توقتالدى.
«دالا قىراندارى» قوزعالىسىنىڭ ەل ٸشٸندەگٸ تانىمالدىعى كٷن سايىن ارتىپ كەلەدٸ. قازٸرگٸ تاڭدا قازاقستاندا اۋقىمدى ٶزگەرٸستەر مەن كونستيتۋتسييالىق رەفورمالار جٷرٸپ جاتىر, سوندىقتان مەملەكەت ٷشٸن وسىنداي ۇيىمدارمەن اشىق ديالوگ جٷرگٸزۋ ٶتە ماڭىزدى. قازٸرگٸ قوعامعا زامان تالابىنا ساي ەرەجەلەر قاجەت. بۇل – ساياسي ايتىس ەمەس, ۋاقىت تالابىنا ساي نەگٸزگٸ نورمالاردى جاڭارتۋ مەسەلەسٸ. قوعامدىق ۇيىمدار مەن مەملەكەت بٸر تٸلدە سٶيلەگەن كەزدە, نەتيجە ناقتى ٸستەرمەن كٶرٸنۋٸ تيٸس», – دەپ اتاپ ٶتتٸ مينيستر.
كەزدەسۋ قورىتىندىسى بويىنشا «دالا قىراندارى» ەزٸرلەگەن ۇسىنىستار كونستيتۋتسييالىق كوميسسييانىڭ قاراۋىنا جولداناتىن بولدى.
