ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ ءتوراعاسى قانات ءمۋسيننىڭ ايتۋىنشا، تۇتاستاي العاندا زاڭ جوباسى كولىك سالاسىنداعى زاڭنامانى جەتىلدىرۋ ءۇشىن دايىندالعان.
زاڭ جوباسىندا كولىك جۇرگىزۋشىلەردىڭ وزىمەن بىرگە جۇرگىزۋشى كۋالىگى بولماعاندا، سونداي-اق قازاقستان رەسپۋبليكاسىندا بەرىلگەن كولىك قۇرالىن تىركەۋ قۇجاتىن الىپ جۇرۋگە مىندەتتەيتىن ەرەجەنى بۇزعانى ءۇشىن جاۋاپكەرشىلىك جويۋ قاراستىرىلعان.
سونىمەن قاتار، زاڭ جوباسى بەلگىلى ءبىر كولىك قۇرالدارىن پايدالانۋ ەرەجەلەرىن رەتتەۋگە باعىتتالعان. كوميتەت بۇل زاڭ جوباسىن 2021 جىلدىڭ 26 قاراشاسىنا دەيىن قاراپ، ول بويىنشا قورىتىندى دايىنداۋعا دايىن، - دەدى دەپۋتات جالپى وتىرىستا.
بۇعان دەيىن ىشكى ىستەر ءمينيسترى ەرلان تۇرعىمبايەۆ بۇل تۋرالى ايتقان بولاتىن.
ونىڭ ايتۋىنشا، اۆتوكولىك يەسىنە قاجەتتى بارلىق قاجەتتى اقپاراتى، بەرىلگەن سەنىمحاتى، ساقتاندىرۋ ءپوليسىنىڭ قولدانىلۋ مەرزىمى جانە تەحنيكالىق تەكسەرۋدەن ءوتۋ تۋرالى بارلىق دەرەكتەرى بار جۇيە ارقىلى پلانشەتتەن كورۋگە بولادى.
