بيۋدجەتتٸڭ ميلليارد تەڭگەسٸن جىمقىرماق بولعان ۆيتسە-مينيستر ۇستالدى (ۆيدەو)
– سىبايلاس جەمقورلىققا قارسى كٷرەس ۇلتتىق ٸس-قيمىل بيۋروسىنىڭ قىزمەتكەرلەرٸ ەنەرگەتيكا مينيسترلٸگٸنٸڭ بٸرنەشە لاۋازىمدى تۇلعاسىن ۇستادى. ەنەرگەتيكا ۆيتسە-مينيسترٸ عاني سەدٸبەكوۆ "ايماق" جشس مەردٸگەرلٸك ۇيىمىنىڭ باسشىسى د. دۋانبەكپەن بٸرٸگٸپ, بيۋدجەتتەن اسا ٸرٸ كٶلەمدەگٸ قاراجاتتى جىمقىرعان. ول قاراجات ششۋچينسك-بۋراباي كۋرورتتىق ورنىندا ٶزەندٸ تازالاۋعا ارنالعان قاراجات بولعان. وسى قىلمىسقا ەنەرگەتيكا مينيسترلٸگٸنٸڭ دەپارتامەنت باسشىسى ج.نۇربەكوۆ پەن مەردٸگەر كومپانييانىڭ ٶكٸلدەرٸ س. جۇمالينوۆ پەن ب. قادىربەرلين قاتىسقان. سەدٸبەكوۆ قول قويعان جالعان اكتٸلەردٸڭ نەتيجەسٸندە ەنەرگەتيكا مينيسترلٸگٸ 2017 جىلى ورىندالعان جۇمىستاردىڭ ٷلكەن كٶلەمٸ ٷشٸن 3,6 ميلليارد تەڭگە تٶلەدٸ. وسى سومادان 1 ميلليارد تەڭگەدەن اسا اقشا قولما-قول تٶلەمگە اينالدىرىلعان. تەكسەرٸس كەزٸندە بۇل اقشالار تەركٸلەندٸ, – دەلٸنگەن ۆەدومستۆونىڭ حابارلاماسىندا.
"2018 جىلى ٶزەن تازالاۋعا بٶلٸنگەن تاعى 1,5 ميلليارد تەڭگەنٸ جىمقىرۋ دەرەگٸنە توسقاۋىل قويىلدى. سەدٸبەكوۆ, نۇربەكوۆ, دۋانبەك, جۇمالينوۆ جەنە قادىربەرلين ۇستالدى. سوتقا دەيٸنگٸ تەرگەۋ جٷرگٸزٸلٸپ جاتىر", – دەپ حابارلادى اگەنتتٸك ٶكٸلٸ نۇرلان جاحين.
عاني سەدٸبەكوۆ 1967 جىلى 23 قازاندا دٷنيەگە كەلگەن. تٷرلٸ جىلدارى (12.2009 - 12.2010 جىلدار)جامبىل وبلىسى ەكٸمٸ اپپاراتىندا باسشى قىزمەتٸن, 2010-2013 جىلدار ارالىعىندا جامبىل وبلىسى ەكٸمٸنٸڭ ورىنباسارى, 2013-2016 جىلدارى پاۆلودار وبلىسى ەكٸمٸنٸڭ ورىنباسارى قىزمەتتەرٸن اتقاردى. ال ەنەرگەتيكا ۆيتسە-مينيسترٸ قىزمەتٸنە 2016 جىلدىڭ 3 مامىرىندا كەلدٸ.
https://www.youtube.com/watch?time_continue=1&v=cOZmZst9-d0
