ەيەلٸن ۇرىپ ٶلتٸردٸ دەگەن ايىپ تاعىلعان قۋاندىق بيشٸمباەۆتىڭ ٸسٸ بويىنشا كەشە الدىن الا تىڭداۋ ٶتتٸ. ەكس-مينيستر سوت وتىرىسى بارىسىندا توسىن مەلٸمدەمە جاسادى. تٸپتٸ ول تاعىلعان ايىپتى مويىندامايتىنىن دا ايتتى.
Dalanews.kz زاڭگەر تٸلەۋجان كٸشكەنەباەۆپەن سۇحباتتاسىپ, بيشٸمباەۆتىڭ بۇل مەلٸمدەمەسٸ نەنٸ بٸلدٸرەتٸنٸن سۇرادى.
ەكس-شەنەۋنٸك بيشٸمباەۆ كەشە استانا سوتىنان القا بيلەر, باق ٶكٸلدەرٸنٸڭ قاتىسۋىمەن اشىق سوت ٶتكٸزۋدٸ سۇرادى.
"مەن ايىپتاۋدىڭ مەنٸن جان-جاقتى تٷسٸندٸم. الايدا تاعىلعان ايىپتى مويىندامايمىن", – دەدٸ كٷدٸكتٸ سوت زالىندا.
زاڭگەر تٸلەۋجان كٸشكەنەباەۆتىڭ سٶزٸنشە, بۇل - جازانى جەڭٸلدەتۋ ٷشٸن جاسالىپ جاتقان ەرەكەت.
"ول "قاساقانا ٸستەگەن جوقپىن" دەگەن ۋەج كەلتٸرٸپ وتىر. ياعني ول ٶزٸنٸڭ جازاسىن جەڭٸلدەتۋدٸڭ ەرەكەتٸنە كٶشتٸ. "ٶلتٸرەتٸن نيەتٸم بولعان جوق, ەكەۋمٸز جانجالداسقانىمىزدىڭ سالدارىنان" دەگەن سەكٸلدٸ كەلتٸرگٸسٸ كەلٸپ جاتىر.
تەرگەۋدە ساراپتامالار جاسالادى. ول جەردە نەمەن ۇرعانى, قاي جەرٸنە ۇرعانى, ادام نەدەن قايتىس بولعانى ساراپتاما قورىتىندىسىمەن راستالادى, بەرٸ زەرتتەلەدٸ. ساراپتاما قورىتىندىسىنا سٷيەنە وتىرىپ, ايىپ تاعادى. قازٸر ادام ٶلتٸرۋ دەرەگٸ بويىنشا تاعىلعان ايىپتى ول "ادام ٶلتٸرەتٸن نيەتٸم بولعان جوق, ابايسىزدا" دەگەنگە كەلتٸرگٸسٸ كەلٸپ وتىر. ٶزٸنٸڭ باسىنىڭ اماندىعى ٷشٸن جازانى جەڭٸلدەتۋ ەرەكەتٸ. كەز كەلگەن سوتتالۋشىنىڭ ٸستەيتٸن ەرەكەتٸ عوي.
15 جىلدان بەرٸ وسىنداي قىلمىستاردى قاراپ كەلە جاتىرمىز. كٶپ سوتتالۋشى "ابايسىزدا جاسادىق" دەگەن سەكٸلدٸ ايتادى. ال شىندىعىندا ول قانداي زاتپەن ۇرسا, قاي جەرٸنەن ۇرسا, جاندى جەرٸنەن ۇرسا, ادام ٶلەتٸنٸن بٸلدٸ", - دەيدٸ ول.
ال تانىمال جۋرناليست گٷلميرا ەبٸقاي ەلەۋمەتتٸك جەلٸدەگٸ پاراقشاسىندا كەشەگٸ الدىن الا تىڭداۋدى سوت ەمەس شوۋ دەپ اتادى.
"سوت ەمەس شوۋ. بيشٸمباەۆتىڭ سوتىن تەك باقىلاپ وتىرمىن, مەنەن بٶلەك ميلليونداعان ادام نازارى وسى سوتتا. سوت زالىندا 100-دەن اسا ادام, پرەسس زالدا ٶزٸمٸزدٸڭ 80 جۋرناليست تاعى بار. دەگەنمەن, ەڭ 1-شٸ وتىرىستا جۇرتتى شۋ ەتكٸزگەن 2 نەرسە بولدى.
1) بيشٸمباەۆ: "مەن بۇل ايىپتاۋلارمەن كەلٸسپەيمٸن, كٸنەمدٸ مويىندامايمىن" دەدٸ.
2) بيشٸمباەۆتىڭ ادۆوكاتتارى "قىلمىستىق باپتان اسقان قاتىگەزدٸكپەن دەگەندٸ الىپ تاستاپ, بايقاۋسىزدا دەگەنگە اۋىستىرۋ كەرەك" (دەدٸ - ەسك.).
شوۋ ەندٸ عانا باستالدى, سوت وتىرىسى ەلٸ ۇزاققا سوزىلارى انىق. كەشەگٸ سوتقا مارقۇم نٷكەنوۆانىڭ تۋىستارىن مٷلدەم قاتىستىرمادى, زالعا سىيمايسىڭدار دەگەن جەلەۋمەن پروتسەستٸ تەك مونيتوردان باقىلادى. بٷگٸن اتىشۋلى سوت وتىرىسى 17:00 جالعاسادى", - دەپ جازدى ول.
ەسكە سالايىق, بىلتىر قۋاندىق بيشٸمباەۆ ەيەلٸ سالتانات نٷكەنوۆانى ٶلتٸردٸ دەگەن كٷدٸكپەن قاماۋعا الىنعان ەدٸ. وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
