سۋ رەسۋرستارى جەنە يرريگاتسييا مينيسترلٸگٸ سولتٷستٸك ارال تەڭٸزٸن ساقتاۋ بويىنشا كەشەندٸ جۇمىستار جٷرگٸزٸپ جاتىر. سوڭعى جىلدارى قابىلدانعان شارالاردىڭ نەتيجەسٸندە تەڭٸزگە تٷسەتٸن سۋ كٶلەمٸنٸڭ تۇراقتى بولۋى قامتاماسىز ەتٸلدٸ, دەپ حابارلايدى dalanews.kz.
اتاپ ايتقاندا, 2025 جىلعى 1 قازاننان بٷگٸنگە دەيٸن سىردارييا ٶزەنٸ ارقىلى سولتٷستٸك ارال تەڭٸزٸنە شامامەن 1,2 ملرد تەكشە مەتر سۋ جٸبەرٸلدٸ. بيىلعى ۆەگەتاتسييا كەزەڭٸندە تەڭٸزگە سەكۋندىنا 14 تەكشە مەتر سۋ تٷسٸپ جاتىر.
ۆەگەتاتسييا كەزەڭٸ اياقتالعانعا دەيٸن سۋ جٸبەرۋ كٶلەمٸن بٸرتٸندەپ سەكۋندىنا 100-150 تەكشە مەترگە دەيٸن ارتتىرۋ جوسپارلانىپ وتىر. بٷگٸندە سولتٷستٸك ارالداعى سۋ كٶلەمٸ 23,4 ملرد تەكشە مەتر.
«سولتٷستٸك ارالدى ساقتاۋ ماقساتىندا مينيسترلٸك بٸرقاتار جوبانى جٷزەگە اسىرىپ جاتىر. ونىڭ ٸشٸندە سىردارييا ٶزەنٸ باسسەينٸندەگٸ سۋدى ەسەپكە الۋدى اۆتوماتتاندىرۋ جەنە گيدروتەحنيكالىق نىسانداردى رەكونسترۋكتسييالاۋ جۇمىستارى بار. سونىمەن قاتار كٶرشٸلەس مەملەكەتتەرمەن ٶزارا ٸس-قيمىل دا كٷشەيتٸلٸپ جاتىر. مەسەلەن, بىلتىر ٶزبەكستان رەسپۋبليكاسىمەن ترانسشەكارالىق سۋ نىساندارىن بٸرلەسٸپ باسقارۋ جەنە ۇتىمدى پايدالانۋ تۋرالى كەلٸسٸمگە قول قويىلدى. بۇل – ون جىلعا سوزىلعان كەلٸسسٶزدەر پروتسەسٸنٸڭ نەتيجەسٸ», – دەدٸ سۋ رەسۋرستارى جەنە يرريگاتسييا بٸرٸنشٸ ۆيتسە-مينيسترٸ نۇرلان الدامجاروۆ.
