Sý resýrstary jáne irrigatsiia ministrligi Soltústik Aral teńizin saqtaý boiynsha keshendi jumystar júrgizip jatyr. Sońǵy jyldary qabyldanǵan sharalardyń nátijesinde teńizge túsetin sý kóleminiń turaqty bolýy qamtamasyz etildi, dep habarlaidy dalanews.kz.
Atap aitqanda, 2025 jylǵy 1 qazannan búginge deiin Syrdariia ózeni arqyly Soltústik Aral teńizine shamamen 1,2 mlrd tekshe metr sý jiberildi. Biylǵy vegetatsiia kezeńinde teńizge sekýndyna 14 tekshe metr sý túsip jatyr.
Vegetatsiia kezeńi aiaqtalǵanǵa deiin sý jiberý kólemin birtindep sekýndyna 100-150 tekshe metrge deiin arttyrý josparlanyp otyr. Búginde Soltústik Araldaǵy sý kólemi 23,4 mlrd tekshe metr.
«Soltústik Araldy saqtaý maqsatynda ministrlik birqatar jobany júzege asyryp jatyr. Onyń ishinde Syrdariia ózeni basseinindegi sýdy esepke alýdy avtomattandyrý jáne gidrotehnikalyq nysandardy rekonstrýktsiialaý jumystary bar. Sonymen qatar kórshiles memlekettermen ózara is-qimyl da kúsheitilip jatyr. Máselen, byltyr Ózbekstan Respýblikasymen transshekaralyq sý nysandaryn birlesip basqarý jáne utymdy paidalaný týraly kelisimge qol qoiyldy. Bul – on jylǵa sozylǵan kelissózder protsesiniń nátijesi», – dedi Sý resýrstary jáne irrigatsiia birinshi vitse-ministri Nurlan Aldamjarov.
