بۇل تۋرالى ۆەدومستۆو باسشىسى Facebook جەلىسىندەگى پاراقشاسىندا جازدى.
جاڭا وقۋ جىلىنىڭ باستالۋى قارساڭىندا مەكتەپ فورماسى تۋرالى ماسەلە وزەكتى بولادى. پاندەمياعا دەيىن مەكتەپ فورماسىن كيۋ مىندەتتى بولدى. ءبىراق وتكەن جىلى بارلىق جاعدايلاردى ەسكەرە وتىرىپ، ءبىز وقۋشىلارعا مەكتەپكە تەك مەكتەپ فورماسىندا عانا ەمەس، سونىمەن قاتار كلاسسيكالىق ستيلدەگى كيىمدە دە كەلۋگە مۇمكىندىك بەرەتىن شەشىم قابىلدادىق.
مەكتەپ فورماسى الداعى وقۋ جىلىندا مىندەتتى بولا ما؟
مەن ءوزىم اتا-انا رەتىندە دە، ءبىلىم جانە عىلىم ءمينيسترى رەتىندە دە مەكتەپ فورماسىن كيۋدى قولدايمىن. Cونىمەن قاتار، پەداگوگتەر مەكتەپ فورماسى بالالاردى ءبىر تارتىپپەن تاربيەلەۋگە ۇلەس قوساتىنىن، سول مەكتەپكە باراتىن بالالارمەن بىرلىكتى سەزىنۋگە مۇمكىندىك بەرەتىنىن جانە ەڭ باستىسى، وقۋشىلار اراسىنداعى الەۋمەتتىك ايىرماشىلىقتى ازايتۋعا كومەكتەسەتىنىن ايتادى.
اتا-انالاردىڭ، مۇعالىمدەردىڭ، مەكتەپ اكىمشىلىكتەرىنىڭ، ءبىلىم باسقارماسى باسشىلارىنىڭ پىكىرلەرىن تىڭداپ، كوبىسى مەكتەپ فورماسىن جاقتايدى دەگەن قورىتىندىعا كەلدىم. ءبىراق مەكتەپ فورماسىن قولداعاندار مەن قارسىلىق بىلدىرگەندەردىڭ پىكىرلەرىن سارالاپ، بارلىق جاعدايلاردى ەسكەرە وتىرىپ، ءبىز وقۋشىلارعا مەكتەپكە تەك مەكتەپ فورماسىندا عانا ەمەس، سونىمەن قاتار كلاسسيكالىق ستيلدەگى كيىمدە دە كەلۋگە مۇمكىندىك بەرەتىن شەشىمدى قابىلدادىق.
بۇل شەشىم تەك عانا كەلەسى وقۋ جىلى ءۇشىن قابىلداندى، دەلىنگەن جازبادا.
