رۋحاني استانا تۇرعىندارىنىڭ يگىلىگىنە ءبىرشاما ۋاقىتتان سوڭ امفيتەاتر عيماراتى قىزمەت كورسەتەتىن بولادى. بيىلعى جىلدىڭ ءساۋىر ايىندا قۇرىلىس جۇمىستارى باستالعان عيمارات قازان ايىندا اياقتالادى دەپ جوسپارلانىپ وتىر.

1000 ورىنعا لايىقتالعان زاماناۋي كەشەننىڭ جالپى كولەمى 2400 شارشى مەترگە تەڭ. «– مادەني ورتالىق» ايماعىنداعى 0،56 گەكتار جەرگە جۇرگىزىلىپ جاتقان قۇرىلىس الاڭىندا كۇندىز – 22، تۇنگى اۋسىمدا 10 جۇمىسشى ەڭبەك ەتۋدە.

قۇرىلىسقا جاۋاپتى «اا-سترويينجينيرينگ» ج ش س مەردىگەر كومپانياسىنىڭ ۋچاسكە باستىعى اباي ابدۋراحمانوۆ  جۇمىس ءوز قارقىنىمەن جۇرگىزىلىپ جاتقاندىعىن ايتىپ، الداعى ۋاقىتتا نىسان كەلىسىلگەن مەرزىمدە اياقتالاتاتىندىعىن جەتكىزدى.

ەلباسى – تۇڭعىش پرەزيدەنت ن.نازاربايەۆتىڭ باستاماسىمەن تۇركىستان قالاسىنىڭ وبلىس ورتالىعى اتانۋ قۇرمەتىنە وراي رەسپۋبليكامىزداعى وزگە وبلىس اكىمدىكتەرى جاڭا وبلىس ورتالىعىنا ءبىر-بىر عيماراتتان سالىپ،  سىيعا تارتاتىن بولعان. سونىڭ ءبىرى –امفيتەاتر ماڭعىستاۋ وبلىسى اكىمدىگىنىڭ سىيى.



تۇركىستان وبلىسى اكىمىنىڭ باسپا ءسوز قىزمەتى