ءبىرىنشى ۆيسە-پرەمەر رومان سكليار Primeminister.kz سايتىنا بەرگەن سۇحباتىندا قازاقستانداعى مونوقالالاردىڭ ونەركاسىپتىك دامۋ الەۋەتى تۋرالى ايتتى، - دەپ حابارلايدى Dalanews.kz.
ماسەلەن، ەكىباستۇز قالاسىندا«Railways Systems KZ» كومپانيالار توبى تەمىرجول ماشيناسىن جاساۋ سالاسىنداعى ەڭ زاماناۋي جابدىقتاردى ءوندىرۋدىڭ جەتىنشى جەلىسىنىڭ قۇرىلىسىن بەلسەندى جۇرگىزۋدە. بۇعان دەيىن كاسىپورىن ەكىباستۇز قالاسىندا تەمىرجول سالاسى ءۇشىن 6 ءونىم ءتۇرىن شىعارعان.
ساران قالاسىندا بۇرىنعى رەزەڭكە-تەحنيكالىق بۇيىمدار (رتب) زاۋىتىنىڭ نەگىزىندە ءبىرقاتار وندىرىستەر قۇرىلدى. ولاردىڭ اراسىندا سىناق رەجيمىندە ءونىم شىعارا باستاعان شينا زاۋىتى دا بار. بۇل رەتتە قازاقستاندا بۇل ءونىم 2000 جىلدان بەرى شىقپاعان. ءبىرىنشى ۆيسە-پرەمەردىڭ ايتۋىنشا، ماۋسىم ايىندا العاشقى ءوندىرىس باستالادى جانە بيىل قالادا 1 ملن ەڭ زاماناۋي شينالار شىعارىلادى.
«وڭدەۋشى ونەركاسىپتىڭ دامۋى ەلىمىزدىڭ ەكونوميكاسىن وزگەرتىپ قانا قويماي، مونوقالالاردىڭ ومىرىنە دە وزگەرىستەر ەنگىزىپ جاتىر. مەن ەكىباستۇزدى بەكەرگە مىسالعا كەلتىرگەن جوقپىن. بۇگىندە وندا ءىرى ماشينا جاساۋ كلاستەرى دامىپ كەلەدى جانە تەمىرجول ماشيناسىن جاساۋ ونىمدەرىنىڭ 72%-ى وندىرىلەدى. ماۋسىم ايىندا گرەس-1 الاڭىنىڭ جانىنداعى ەڭ ءىرى فەرروقورىتپا زاۋىتى ءوز جۇمىسىن باستايدى. ساران قالاسىندا بۇرىنعى رتب زاۋىتىنىڭ بازاسىندا جاڭا كاسىپورىندار سالىندى: شينا زاۋىتى، شاعىن توراپتى قۇراستىرۋ ادىسىمەن اۆتوبۋستار شىعاراتىن QazTehna، تۇرمىستىق تەحنيكا شىعاراتىن زاۋىت بار. سونداي-اق ءتۇزۋ دانەكەرلەنگەن قۇبىرلار شىعاراتىن كاسىپورىن سالىنىپ جاتىر. ءقازىردىڭ وزىندە مونوقالانىڭ ءوزى جاڭا ومىرگە قالاي بەيىمدەلىپ، تۇرلەنىپ جاتقانىن كورۋگە بولادى. بۇرىن تۇرعىندارى تاستاپ كەتكەن ۇيلەر ەندى بوس ەمەس، كۇردەلى جوندەۋ جۇمىستارى جۇرگىزىلۋدە. ۇكىمەت بۇل باعىتتاعى جۇمىستى جالعاستىراتىن بولادى. جەرگىلىكتى قامتۋ ۇلەسىن ارتتىرۋ جانە ينۆەستيسيا تارتۋ جاستار ءۇشىن جوعارى ءونىم وندىرەتىن، جاقسى اقى تولەنەتىن جۇمىس ورىندارىن اشۋعا مۇمكىندىك بەرەدى. بۇل – باستى مىندەت. ەكسپورتتىق الەۋەتتى ارتتىرۋ، يمپورتتى الماستىرۋ، بيۋدجەتكە تۇسەتىن سالىقتار، جۇمىس ورىندارىنىڭ اشىلۋى جۇيەلى تۇردە جۇزەگە اسپاق. ياعني، بۇل ءبارىن وزىمەن بىرگە ىلەستىرىپ اكەتەتىن تۇتاس ءبىر لوكوموتيۆ»، — دەپ اتاپ ءوتتى رومان سكليار.
