بيىل ەلوردادا 15 مەكتەپ سالىنادى
2019 جىلى ەلٸمٸزدٸڭ باس قالاسىندا ٷش اۋىسىمدا وقيتىن سەگٸز مەكتەپ بولاتىن, ال 2020 جىلى ولاردىڭ سانى ەكٸ ەسە ازايعان. وسىلايشا وقۋ ورىندارىنىڭ شامادان تىس جۇمىس ٸستەۋ پروبلەماسى تٶمەندەپ كەلەدٸ. مەملەكەت باسشىسىنىڭ تاپسىرمالارىن ورىنداۋ اياسىندا سوڭعى ەكٸ جىلدا قالانىڭ تٷرلٸ اۋدانىندا 12 مىڭنان استام وقۋشىعا ارنالعان 18 بٸلٸم بەرۋ نىسانى اشىلدى.
ەلوردادا 2021 جىلى تاعى 15 مەكتەپ مەملەكەتتٸك بيۋدجەت قاراجاتى ەسەبٸنەن دە, مەملەكەتتٸك-جەكەمەنشٸك ەرٸپتەستٸك جەنە جەكە ينۆەستيتسييالار كٶزٸنەن دە سالىناتىن بولادى.
قابىلدانىپ جاتقان شارالار ەلورداداعى مەكتەپتەردٸڭ جەتٸسپەۋشٸلٸك پروبلەماسىن شەشۋگە مٷمكٸندٸك بەرەدٸ.
– ەلوردا وسىنداي كٶلەمدە عانا سالىنادى دەگەن ناقتى جوسپار بەلگٸلەنگەن جوق. قالامىز كٷن ساناپ ٶسٸپ كەلەدٸ, تيٸسٸنشە مەكتەپتەر جەتٸسپەيدٸ. ايتا كەتەرلٸك مەسەلە, تاپشىلىقتى ازايتۋ قاجەت. بۇل قيىندىقتىڭ الدىن الۋ ٷشٸن كٶبٸرەك مەكتەپ سالىنىپ جاتىر. قازٸرگٸ نۇر-سۇلتان ەندٸگٸ 20 جىلدان كەيٸن ٷلكەيٸپ, ەۋەجايىمىز لوندونداعىداي قالا ورتالىعىندا بولۋى مٷمكٸن. قالانىڭ ٶسٸپ كەلە جاتقانىن سەزٸنۋ كەرەك. ەكٸمدٸك اتقارىپ جاتقان شارۋالارعا كٶز سالساق, بەرٸ دەر كەزٸندە جٷرگٸزٸلٸپ جاتقانىن بايقاۋعا بولادى. بيىل 16 مەكتەپ سالىنادى, بۇل ٷلكەن جەتٸستٸك دەپ سانايمىن, – دەپ اتاپ ٶتتٸ ساياساتتانۋشى سامات نۇرتازا.
ەسكە سالا كەتەيٸك, جاقىندا ەلوردادا بٸرنەشە ەلەۋمەتتٸك نىسان اشىلدى. ولاردىڭ اراسىندا كٶزٸ ناشار كٶرەتٸن بالالارعا ارنالعان مامانداندىرىلعان بالاباقشا دا بار.
بالاباقشادا تەربيەشٸلەرمەن قاتار مەديتسينا قىزمەتكەرلەرٸ دە جۇمىس ٸستەيدٸ. بۇل بالانىڭ فيزيكالىق, پسيحيكالىق دامۋ ەرەكشەلٸكتەرٸن, جەكە مٷمكٸندٸكتەرٸ مەن قابٸلەتتەرٸن ەسكەرە وتىرىپ, بالانى جان-جاقتى دامىتۋعا, مەكتەپكە دايىندىعىن قامتاماسىز ەتەدٸ. مەكەمەدە فيزيوتەراپييا, لوگوپەد-دەفەكتولوگ, وفتالمولوگ جەنە ت.ب. كابينەتتەر بار.
وسىعان دەيٸن ەلوردا ەكٸمٸ التاي كٶلگٸنوۆ قالادا وقۋ ورىندارىنىڭ قۇرىلىسىنا كٶپ كٶڭٸل بٶلٸنەتٸنٸن اتاپ ٶتكەن بولاتىن.
– الماتى اۋدانىندا 2400 ورىندىق مەكتەپ سالىنىپ, اشىلۋعا دايىن. وقۋ ورنىندا ينكليۋزييا, «ابايتانۋ», «STEM», «ينتەللەكتۋم» كابينەتتەرٸ جەنە بەينەساباقتاردى تٷسٸرۋگە ارنالعان ستۋدييا بار. بۇل بالالاردىڭ جان-جاقتى دامۋىنا مٷمكٸندٸك بەرەدٸ. ەلوردادا الداعى 5 جىلعا 67 مەكتەپتٸڭ قۇرىلىسى جوسپارلانىپ وتىر. وقۋ ورىندارىنىڭ قۇرىلىسىنا دا جەكە ينۆەستيتسييا تارتىلادى, – دەدٸ ەكٸم.
