بيىل اباي وبلىسىندا «باستاۋ بيزنەس» باعدارلاماسى اياسىندا 204 ادامعا قايتارىمسىز 1,5 ملن تەڭگە بەرۋ جوسپارلانعان, دەپ حابارلايدى Dalanews.kz "24.kz"-كە سٸلتەمە جاساپ.
بىلتىر 200-دەن استام ادام «باستاۋ بيزنەس» باعدارلاماسى اياسىندا مەملەكەتتەن قولداۋ العان. بۇل ماقساتقا بيۋدجەتتەن شامامەن 300 ميلليون تەڭگە بٶلٸنگەن. وسى قولداۋدىڭ ارقاسىندا اۋىل كەسٸپكەرلەرٸ كەسٸپتٸك وقۋدان ٶتٸپ, ٶز ٸسٸن ٶرٸستەتۋگە مٷمكٸندٸك الىپ وتىر.
جاننا امانوۆا قىسقا مەرزٸمدٸ كەسٸپتٸك وقۋدان ٶتٸپ, تٸگٸنشٸ ماماندىعىن مەڭگەرٸپتٸ. كەيٸن قايتارىمسىز 1,5 ملن تەڭگە گرانت الىپ, ٷي ٸشٸنەن كٸشٸگٸرٸم تٸگٸن تسەحىن اشقان. بٷگٸندە جۇمىسى العا باسىپ, كەلۋشٸلەر قاتارى كٶبەيٸپتٸ. ەندٸ تٸگٸنشٸ كەسٸبٸن ودان ەرٸ دامىتۋدى جوسپارلاپ وتىر.
"شەشەمنەن قالعان ٶنەر عوي. ٶزٸ ويۋلار, كٶرپە-جاستىق تٸگەتٸن. سونى قاراپ, قىزىعىپ بالا كەزدەن. تٸگە بەردٸك, تٸگە بەردٸك ەندٸ. تٸگٸپ ٷيرەنٸڭدەر دەپ ٷيرەتتٸ عوي انامىز. باسىندا كٶرپە-جاستىق قانا تٸگەتٸنمٸن. قازٸر سۇرانىس كٶپ. سٶمكە تٸگۋ كەرەك, قازاق ٷيدٸڭ جابدىقتارىن سۇرايدى كٶبٸنەسە", - دەيدٸ جاننا امانوۆا.
ال, ەرلان كەنجەعاليەۆ سەندۆيچ شىعاراتىن شاعىن تسەح اشىپتى. 2020 جىلدان بەرٸ تاعام ٶنەركەسٸبٸ سالاسىنا دەن قويعان. بىلتىر مەملەكەتتەن 4 ملن تەڭگە قايتارىمسىز گرانت الدى. ٶنٸمٸن 100-گە جۋىق دٷكەن مەن ٸرٸ ساۋدا ٷيلەرٸنە ٶتكٸزەدٸ. كەسٸپكەر 6 ادامدى تۇراقتى جۇمىسپەن قامتىپ وتىر.
"مەن ٶنٸمنٸڭ ساپاسىن جٸتٸ باقىلاپ وتىرامىن. قوسپالاردىڭ ساپالى بولۋى ٶنٸمنٸڭ دەمٸنە تٸكەلەي ەسەر ەتەدٸ. سوندىقتان بۇعان مۇقييات قارايمىن. بٸز شىعاراتىن نان ٶنٸمدەرٸن كٶبٸنەسە جاستار الىپ جاتادى. ٶزٸمنٸڭ بالالارىم دا جەيدٸ. سوندىقتان تازالىق پەن ساپا مەن ٷشٸن بٸرٸنشٸ ورىندا", - دەيدٸ ەرلان كەنجەعاليەۆ.
بيىل «باستاۋ بيزنەس» باعدارلاماسى اياسىندا 204 ادامعا قايتارىمسىز 1,5 ملن تەڭگە بەرۋ جوسپارلانعان. ال 5 ملن تەڭگەلٸك قايتارىمسىز گرانت ەندٸ ەلەۋمەتتٸك كەسٸپكەرلەر مەن «بٸر اۋىل – بٸر ٶنٸم» جوباسىنىڭ فيناليستەرٸنە بەرٸلەدٸ. ياعني, وعان اۋىلدا تۇرىپ, شيكٸزاتتان ٶنٸم جاساپ وتىرعان شارۋالار قاتىسا الادى.
"وسى جىلدان باستاپ ەلەۋمەتتٸك كەسٸپكەرلەرگە اۋىلدىڭ كٸسٸلەرٸن, اۋىلداعى شارۋا قوجالىقتارىنىڭ ديرەكتورلارىن شاقىرىپ جاتىرمىز. 45 ادامنىڭ ون شاقتىسى شارۋا قوجالىقتارىنىڭ يەلەرٸ بولىپ تابىلادى. ول كٸسٸلەردٸ كٸرگٸزۋگە, ارى قاراي ولاردى گرانتتىق قارجىلاندىرۋعا قاتىستىرۋعا اتسالىسىپ جاتىرمىز", - دەيدٸ وبلىستىق كەسٸپكەرلٸك باسقارماسىنىڭ بٶلٸم باسشىسى مۇرات مەلٸكاجدار.
بيىل اباي وبلىسىندا 20 شاقتى تۇرعىن 5 ملن تەڭگە كٶلەمٸندە قايتارىمسىز قارجى الادى. بۇل ماقساتقا 110 ملن تەڭگە بٶلۋ جوسپارلانىپ وتىر.
