قازاقستاندا Burger King Kazakhstan جەلٸسٸنە قاتىستى داۋ كٷشەيٸپ كەلەدٸ, دەپ حابارلايدى Dalanews.kz.
داۋدىڭ تۋىنداۋىنا ەلەۋمەتتٸك كەسٸپكەر جانات كاراتايدىڭ ەلەۋمەتتٸك جەلٸدەگٸ جازباسى سەبەپ بولدى. ول اۋتيزم سپەكترٸندەگٸ بۇزىلىسى بار 27 جاستاعى ۇلى ەلٸبەكتٸڭ ەڭبەك جولى مەن سوڭعى ۋاقىتتا بولعان جاعدايدى بايانداعان.
«اۋتيزمٸ بار ۇلىم ەلٸبەك قاراتاي. كٶپشٸلٸك ونى تانيدى. قازٸر ول 27 جاستا. 1998 جىلى دٷنيەگە كەلدٸ. ەكٸ جاسىندا-اق بٸر نەرسەنٸڭ دۇرىس ەمەس ەكەنٸن بايقادىق. ول – ەكٸنشٸ بالام. سٶيلەمەدٸ, تٸلگە كەلمەدٸ. ول كەزدە “اۋتيزم” دەگەن ۇعىم دا, تٸپتٸ “سٶيلەۋ دامۋىنىڭ كەشەۋٸلدەۋٸ” دەگەن تٷسٸنٸك تە كەڭ تارالماعان ەدٸ. مەن IT سالاسىنداعى جۇمىسىمدى, بولاشاعى زور مانسابىمدى تاستاپ, بەرٸن ٶزٸم زەرتتەپ, بالاممەن اينالىسۋعا بەل بۋدىم. جىلدار بويى پەداگوگيكا مەن وڭالتۋعا تولىقتاي دەن قويدىق. سونىڭ نەتيجەسٸندە ول مەكتەپتٸ بٸتٸرٸپ, جٷرگەنوۆ اتىنداعى كوللەدجدە وقىدى, مٷسٸنشٸ ماماندىعىن مەڭگەردٸ, پلاستيليننەن انيماتسييالىق مۋلتفيلمدەر جاساۋعا قىزىقتى. ەرتٷرلٸ جەردە جۇمىس ٸستەپ كٶردٸ. اقىرى ٶزٸنە ۇنايتىن ۇجىم مەن ماماندىقتى تاپتى – Burger King-تە اسپاز بولىپ ەڭبەك ەتتٸ», – دەپ جازدى اناسى.
ونىڭ ايتۋىنشا, ەلٸبەك تٶرت جىل بويى تۇراقتى جۇمىس ٸستەپ, جالاقى الىپ, ٶزٸن ۇجىمنىڭ تولىققاندى مٷشەسٸ رەتٸندە سەزٸنگەن.
«تٶرت جىل بويى ٷزدٸكسٸز جۇمىس ٸستەدٸ, جالاقى الدى, تاپقان تابىسىن قۋانا جۇمسادى. ۇجىمعا قاجەت ەكەنٸن سەزٸندٸ. جۇمىس قىزعان كەزدە قوسىمشا اۋىسىمدارعا قالاتىن. دەمالىسىن ٶزٸ جوسپارلاپ, بٸر فيليالدان ەكٸنشٸسٸنە اۋىسىپ جٷردٸ. بۇل – بٸزدٸڭ وتباسىنىڭ مەيرامحانا ەكٸمشٸلەرٸ مەن مەنەدجەرلەرٸمەن بٸرلەسكەن ەڭبەگٸنٸڭ نەتيجەسٸ. بٸزگە قولداۋ كٶرسەتكەن شيرين ەسٸمدٸ مەنەدجەرگە جەنە ەلٸبەكتٸڭ تٸكەلەي جەتەكشٸسٸ ەرلانعا ٶمٸر بويى ريزامىز», – دەيدٸ جانات كاراتاي.
الايدا, ونىڭ سٶزٸنشە, جاڭا ٶڭٸرلٸك باسشى كەلگەننەن كەيٸن جاعداي ٶزگەرگەن.
«جاڭا ٶڭٸرلٸك باسشى سەرگەي كەلگەن سەتتەن باستاپ بەرٸ ٶزگەردٸ. جاسىرىن قىسىم باستالدى. كٷزدەن بەرٸ ەلٸبەك مٷلدە ٶزگەرٸپ كەتتٸ, نە بولىپ جاتقانىن تٷسٸنبەدٸك. كەيٸن ونىڭ جۇمىستان كەتۋگە يتەرمەلەنٸپ جاتقانىن ەستٸدٸك. قازٸر ٶزٸمٸزدٸ قولعا الىپ, ەلٸبەكتٸڭ ادامدارعا دەگەن سەنٸمٸن قايتا قالپىنا كەلتٸرۋگە تىرىسىپ جاتىرمىز. بۇدان ارتىق ايتا المايمىن. وسىنداي جاعدايدا قالاي ٶمٸر سٷرۋگە بولادى? بٸر ادام جىلدار بويى قالىپتاسقان جٷيەنٸ بۇزا سالۋى مٷمكٸن بە? ونىمەن جەكە سٶيلەسكەندە, تٸرٸ اداممەن ەمەس, سەزٸمسٸز مەحانيزممەن سٶيلەسكەندەي بولدىم. ول بٸزدٸڭ ەلگە جاقىندا عانا كەلگەن, ينكليۋزيۆتٸ قوعام تۋرالى تٷسٸنٸگٸ جوق. اۋتيزمٸ بار ادامداردىڭ ٶزگەلەرمەن تەڭ دەرەجەدە جۇمىس ٸستەي الاتىنىن ەستٸمەگەن دە», – دەپ جازدى ول.
ٶز كەزەگٸندە Burger King Kazakhstan ەلەۋمەتتٸك جەلٸدەگٸ جازباعا قاتىستى رەسمي مەلٸمدەمە جاسادى.
«بٸزدٸڭ Dostyk Plaza ساۋدا ورتالىعىنداعى مەيرامحانامىزدىڭ بۇرىنعى قىزمەتكەرٸنە قاتىستى جارييالانىمدى كٶردٸك. ەڭ الدىمەن, بۇل جاعداي وتباسى ٷشٸن اۋىر تيگەنٸنە شىن جٷرەكتەن ٶكٸنٸش بٸلدٸرەمٸز. ەربٸر قىزمەتكەر ٶزٸن قۇرمەتتەلگەن, قولداۋلى ەرٸ قاۋٸپسٸز ورتادا سەزٸنۋٸ بٸز ٷشٸن ماڭىزدى. Burger King Kazakhstan تەڭ مٷمكٸندٸك پەن ينكليۋزيۆتٸلٸك قاعيداتتارىن ۇستانادى», – دەلٸنگەن كومپانييا حابارلاماسىندا.
كومپانييا ٶكٸلدەرٸ ٸشكٸ تەكسەرٸس باستالعانىن جەنە ەلٸبەكتٸڭ جۇمىستان شىعارىلماعانىن مەلٸمدەدٸ.
الايدا جەلٸ قولدانۋشىلارى كومپانييا جاۋابىنا قاناعاتتانباعان سىڭايلى. ەلەۋمەتتٸك جەلٸلەردە تەرٸس پٸكٸرلەر كٶبەيٸپ, كەيبٸر ازاماتتار جەلٸنٸ بويكوتتاۋعا شاقىرۋدا.
