قازاقستاندا كەسٸبي مەرەكەلەر كٷنتٸزبەسٸ جاڭا ماڭىزدى داتامەن تولىقتى. بيىلدان باستاپ تامىز ايىنىڭ بٸرٸنشٸ جەكسەنبٸسٸ – تەمٸرجول قىزمەتكەرلەرٸ كٷنٸ رەتٸندە رەسمي تٷردە اتالىپ ٶتەدٸ.
بۇل – كٶلٸك سالاسىنىڭ ماڭىزدى باعىتى سانالاتىن تەمٸرجول جٷيەسٸندە قاجىرلى ەڭبەك ەتٸپ جٷرگەن مىڭداعان قىزمەتكەردٸڭ ەڭبەگٸنە كٶرسەتٸلگەن قۇرمەتتٸڭ ايعاعى.
تەمٸرجول – ەل ٸشٸندەگٸ عانا ەمەس, حالىقارالىق دەڭگەيدەگٸ جولاۋشى جەنە جٷك تاسىمالىنىڭ ماڭىزدى تەتٸگٸ.
قازاقستانداعى كٶلٸك ينفراقۇرىلىمىنىڭ دٸڭگەگٸ سانالاتىن بۇل سالادا ون مىڭداعان مامان جۇمىس ٸستەيدٸ. ولاردىڭ قاتارىندا ماشينيستەر, ۆاگونشىلار, جول جٶندەۋشٸلەر, ديسپەتچەرلەر, بايلانىسشىلار, ينجەنەر-تەحنيكتەر مەن تاعى باسقا كٶپتەگەن كەسٸپ يەلەرٸ بار.
كٶلٸك سالاسىنىڭ جالپى دامۋىنا دا تەمٸرجول سالاسى وراسان ٷلەس قوسىپ وتىر. ٶڭٸرلەر اراسىنداعى ەكونوميكالىق بايلانىستى قامتاماسىز ەتۋ, وتاندىق ٶنٸمدٸ ەكسپورتتاۋ, جولاۋشىلاردىڭ قاۋٸپسٸز ەرٸ ىڭعايلى قوزعالىسىن ۇيىمداستىرۋ – وسىنىڭ بارلىعى تەمٸرجولشىلاردىڭ تىنىمسىز ەڭبەگٸنٸڭ نەتيجەسٸ.
تەمٸرجول سالاسىندا جۇمىس ٸستەۋ – جاۋاپكەرشٸلٸگٸ جوعارى, تەرتٸپ پەن تٶزٸمدٸلٸكتٸ تالاپ ەتەتٸن ماماندىق. بۇل مەرەكە – تەمٸرجولشىلاردىڭ ەڭبەگٸن باعالاپ, ولاردىڭ قوعامدىق ماڭىزىن ايشىقتايتىن كٷن.
تەمٸرجول قىزمەتكەرلەرٸن كەسٸبي مەرەكەسٸمەن قۇتتىقتايمىز! ەل ەكونوميكاسىنىڭ قوزعاۋشى كٷشٸنە اينالعان سالا ماماندارىنا مىقتى دەنساۋلىق, قاۋٸپسٸز ەڭبەك جەنە تولاعاي تابىس تٸلەيمٸز.
