اۋدان اكىمىنىڭ مالىمەتى بويىنشا مەملەكەت بيۋدجەتىنە اعىمداعى جىلدىڭ 8 ايىندا 78،6 ملرد. تەڭگە جينالدى. جالپى بيۋدجەتكە تۇسكەن سالىق ءتۇسىمى 2016 جىلى 119،8 پايىز بولسا، 2017 جىلدىڭ 8 ايىنداعى مەنشىكتى سالىقتار ءتۇسىمى 132،5 پايىزعا وسكەن.
وزگە اۋدانداردان ءوندىرىسى ورگە، الەۋەتى تورگە وزعان ءبورلى اۋدانىنىڭ قاي سالاسىنا دا دامۋ ءتان. ماسەلەن، اعىمدى كەزەڭدە نەگىزگى كاپيتالعا ينۆەستيسيا كولەمى 92،9 ملرد. تەڭگەنى قۇراپ، بۇل وتكەن جىلمەن سالىستىرعاندا 69،1 پايىزدى قۇراپ وتىر. اۋدانداعى ونەركاسىپ ءوندىرىسىنىڭ كولەمى 1044،6 ملرد. تەڭگەگە ءوسىپ، وندىرىلگەن ءونىم كولەمى 2016 جىلدىڭ جارتىجىلدىعىنا قاراعاندا 267،8 ملرد. تەڭگەگە ارتتى.
سونداي-اق، اۋىل شارۋاشىلىعىنىڭ جالپى ءوندىرىس كولەمى 8 ايعا 866،6 ملن تەڭگەنى قۇراپ، بىلتىرعى جىلمەن سالىستىرعاندا 9،9 پايىزعا ءوستى. سوڭعى ءۇش جىلدا ءداندى-داقىلداردىڭ ەگىس القاپتارى قىسقارىپ، مايلى جانە مال ازىعى داقىلدارىنىڭ ەگىس القاپتارى ارتىپ كەلەدى.
اعىمداعى جىلى14749 گا جەرگە ءداندى داقىلدار ەگىلىپ، ونىڭ 9394 گەكتارىنان 17792 توننا استىق جينالدى. سونداي اق، 7974 گا جەرگە مايلى داقىلدار، 352 گا جەرگە كارتوپ، 178 گا جەرگە كوكونىس جانە 34 گا جەرگە باقشا داقىلدارى ەگىلدى. قازىرگى تاڭدا باقشا داقىلدارىن جيناۋ جۇمىستارى تولىقتاي اياقتالىپ، ولاردان 612 توننا ءونىم جينالدى.
قازىرگى تاڭدا اۋداندا ءشوپ شابۋ ناۋقانى اياقتالا كەلدى، بۇگىنگى كۇنى بۇل باعىتتاعى جۇمىستار 100 پايىزعا ورىندالدى.
مال شارۋاشىلىعى سالاسىندا مال شارۋاشىلىعى ونىمدەردىڭ كولەمى مەن ساپاسىنىڭ ارتۋى بايقالادى. تازا ەت سالماعىنىڭ ءونىمى 2،4 مىڭ توننانى قۇراپ، ول بىلتىرعى جىلدىڭ سايكەس كەزەڭىمەن سالىستىرعاندا 10،3 پايىزعا ارتىق. سونداي-اق، ءسۇت 10،2 مىڭ توننا، جۇمىرتقا 4،9 ملن. دانا بولىپ بىلتىرعى كورسەتكىشپەن تۇر.
اۋداندا بيىل ۇساق ءمۇيىزدى مال باسىنىڭ 11 پايىزعا جانە شوشقا باسىنىڭ 2،5 ەسە تومەندەسە، ءىرى قارا مەن جىلقى باسى كوبەيىپ، ءىرى قارا اسىل تۇقىمدى مال باسىنىڭ ۇلەسى 6 پايىزدى قۇرادى.
اۋداندا بۇگىنگى تاڭدا 10 اۋىلشارۋاشىلىق تۇتىنۋشىلار كووپەراتيۆى بولسا، ونىڭ 1ء-ۋى وتباسىلىق بورداقىلاۋ (اقساي قالاسىندا «بورلى-ەت» كووپەراتيۆى)، 1ء-ۋى ءسۇت وڭدەۋ بويىنشا («بورلى-اگرو» كووپەراتيۆى – ءبورلى اۋىلىندا)، 8ء-ى اسىل تۇقىمدى ءىرى قارا مالدى قايتا تۇرلەندىرۋ بويىنشا جۇمىستانۋدا.
اۋداندا كاسىپكەرلىك سالاسىندا ءبىرقاتار جۇمىستار جۇرگىزىلۋدە. اتاپ ايتساق، وتكەن جىلمەن سالىستىرعاندا كاسىپكەرلىك سانى 139 بىرلىككە ارتقان. اۋىلشارۋاشىلىعى ونىمدەرىن قايتا وڭدەيتىن شاعىن سەحتارىنىڭ وندىرگەن ءونىمى مەن كورسەتكەن قىزمەتىنىڭ جالپى سوماسى 407،9 ملن. تەڭگەنى قۇرادى.
كاسىپكەرلىكتى قولداۋ - ايماقتاعى باسىم مىندەتتەردىڭ ءبىرى بولىپ تابىلادى. «بيزنەستىڭ جول كارتاسى-2020» ءبىرىڭعاي باعدارلاماسى اياسىندا اينالىم قاراجاتىن تولىقتىرۋعا، جابدىقتار، ارنايى تەحنيكا ساتىپ الۋعا، عيماراتتار سالۋعا جانە قايتا قالپىنا كەلتىرۋگە جالپى سوماسى 417،7 ملن. تەڭگە قۇرايتىن 12 جوبا جۇزەگە اسىرىلىپ، 41 جاڭا جۇمىس ورنى اشىلدى.
سونىمەن قاتار، 2016 جىلدىڭ قىركۇيەك ايىندا گازقاعارلاردى ءوندىرۋ جانە قۇراستىرۋمەن اينالىساتىن «گۋزۋالماتى» جاۋاپكەرشىلىگى شەكتەۋلى سەرىكتەستىگى اشىلىپ، جوبا بويىنشا جىلىنا 200 مىڭ بىرلىك گازقاعار شىعارۋ جوسپارلانعان. سونداي-اق، ق ر تاۋەلسىزدىگىنىڭ 25 جىلدىعى قارساڭىندا «كوندەنسات» اكسيونەرلىق قوعامىنىڭ اقساي قالاسىندا ك5 ماركالى بەنزين وندىرەتىن زاۋىتى اشىلىپ، زاۋىت اشىلعالى 25 مىڭ توننا بەنزين ءوندىرىپ، 74 جاڭا جۇمىس ورنى اشىلدى.
2017 جىلدىڭ ءساۋىر ايىندا «كوندەنسات» اق جاڭا ءوندىرىس نىسانى - ۆاكۋۋمدىق ايداۋ سەكسياسىن، سونىمەن بىرگە ۆاكۋۋمدىق ايداۋ ونىمدەرىن قابىلدايتىن،ساقتايتىن جانە جىبەرەتىن نىسانداردى پايدالانۋعا بەردى. جاڭا تەحنولوگيالىق قوندىرعى ديزەل وتىنىن وندەۋ ءۇشىن اشىق فراكسيانىڭ شىعۋىن كوبەيتە وتىرىپ، مۇناي جانە مۇناي ونىمدەرىنىڭ اۋىر سۇرىپتارىن وڭدەۋگە، سونىمەن بىرگە ۆاكۋۋمدىق گازويل مەن گۋدروندى شىعارۋعا مۇمكىندىك بەرەدى.
2017 جىلدىڭ 8 ايىندا ەكىنشى دەڭگەيلى بانكتەر (اتف بانكى) ارقىلى اۋداننىڭ 13 كاسىپكەرىنە 24،3 ملن.تەڭگە نەسيە بەرىلسە، «قاراشىعاناق» نەسيە سەرىكتەستىگى» ارقىلى 7 شارۋا قوجالىعى مال شارۋاشىلىعى مەن ەگىستىك شارۋاشىلىعىن دامىتۋعا، اۋىلشارۋاشىلىعى تەحنيكاسىن ساتىپ الۋعا 47،6 ملن تەڭگە نەسيە الدى.
جىل باسىنان بەرى 71 وتباسىنا مەملەكەتتىك اتاۋلى الەۋمەتتىك كومەك، 217 وتباسىنا جاردەماقى تولەنسە، «ورلەۋ» باعدارلاماسى ارقىلى 53 وتباسىنا قارجىلاي كومەك كورسەتىلدى. بۇدان بولەك مۇمكىندىگى شەكتەۋلى جاندارعا مۇگەدەكتەردىڭ جەكە وڭالتۋ باعدارلاماسىنا سايكەس 38 ادامعا بۋراباي شيپاجايىندا ساناتورلى-كۋرورتتىق ەم السا، 23 ادام كرەسلو-اربامەن، 8 ادام ورتوپەديالىق تاياقشامەن، 25 ادام سۋردو، تيفلو قۇرالدارمەن قامتىلدى. اۋداندا بەرەزوۆ، بەستاۋ اۋىلدارىنىڭ تۇرعىندارىن باسپانامەن قامتۋ
جۇمىستارى اياقتالا كەلدى. قازىرگى تاڭدا ارالتال شاعىن اۋدانىنان سالىنعان 100 ءۇيدىڭ قۇرىلىسى تولىقتاي اياقتالىپ، تۇرعىنداردى كوشىرۋ جۇمىستارى جالعاسۋدا. بۇگىنگى كۇنى 92 وتباسىعا پاتەر كىلتى تابىستالىپ، ونىڭ 62-cءى قونىستاندى. قالعاندارى قۇجاتتارىن جيناقتاۋدا. الدا ەكى 9 قاباتتى ءۇيدىڭ قۇرىلىسى اياقتالسا، قالعان تۇرعىنداردى دا كوشىرۋ 15 قازانعا دەيىن اياقتالىپ قالار دەپ وتىرمىز.
قالا ىشىندە ءوندىرىس ورىندارىنىڭ كوبەيۋىنە بايلانىستى ءوندىرىس وشاقتارىن قالا سىرتىنا شىعارۋدى جوسپارلاپ وتىرمىز. سوندىقتان ءبىز الداعى ۋاقىتتا اۋداننىڭ باس جوسپارىنا وزگەرىستەر ەنگىزىپ، ءوندىرىس ورىندارىنىڭ ورنالاساتىن ورنى مەن اۋماعىن ناقتىلايتىن بولامىز،-دەدى ا.حالەلوۆ.
