قايرات بورانبايەۆقا تيەسىلى بولعان «فيزتەح II» اق كومپانياسىنىڭ ديرەكتورلار كەڭەسى تولىق جاڭارتىلدى. ونى اسحات ۇسەروۆ تە تاستاپ كەتتى، ول بورانبايەۆپەن بىرگە كومپانيانى باقىلاعان، دەپ حابارلايدى Dalanews.kz Orda.kz-كە سىلتەپ.
KASE سايتىندا 12 جەلتوقساندا جاريالانعان اقپاراتقا سايكەس، «فيزتەح II» ديرەكتورلار كەڭەسىن اۋىستىرۋ تۋرالى شەشىم رەسمي تۇردە 29 قاراشادا بەكىتىلگەن. كومپانيا باسشىلىعىنىڭ قاتارىنان اسحات ۇسەروۆ، ءادىل داريبەكوۆ (بۇرىنعى باس ديرەكتور) جانە ەربولات تاپايەۆ (بۇل ءاتى-جونى Neris Finance Ltd وففشورىمەن بايلانىستىرىلعان، ال ونىڭ سوڭعى بەنەفيسيارى قايرات بورانبايەۆ بولعان) شىعارىلدى.
58 جاستاعى اسحات ۇسەروۆ قايرات بورانبايەۆپەن بىرگە «فيزتەح II» قارجىلىق ەسەپتىلىگىندە وسى اكسيونەرلىك قوعامنىڭ سوڭعى بەنەفيسيارى رەتىندە كورسەتىلگەن. ول «كازتۋربورەمونت» حولدينگتىك كومپانياسىنىڭ قۇرىلتايشىلارىنىڭ ءبىرى، بۇل كومپانيا «فيزتەح II» اكسيونەرلەرىنىڭ ءبىرى رەتىندە كورسەتىلگەن.
ديرەكتورلار كەڭەسىنىڭ جاڭا مۇشەلەرى «قازمۇنايگاز» قۇرىلىمدارىنىڭ وكىلدەرى بولدى. ولار: ازامات ناۋكەنوۆ («كمگ ينجينيرينگ» ج ش س ينجەنەرلىك سۇيەمەلدەۋ دەپارتامەنتىنىڭ ديرەكتورى)، قۋانگالي بەكقالي (2018 جىلعى دەرەكتەر بويىنشا «قازمۇنايگاز» ءوندىرۋ جانە بۇرعىلاۋ تەحنولوگيالارى عىلىمي-زەرتتەۋ ينستيتۋتىندا جۇمىس ىستەگەن) جانە سامات امانجۇلوۆ («باتىس مۇناي گاز» ج ش س باسشىسى). ديرەكتورلار كەڭەسىنىڭ ءتوراعاسى بولىپ ازامات ناۋكەنوۆ تاعايىندالدى.
eGov پورتالىنىڭ رەسمي دەرەكتەرىنە سۇيەنسەك، قازىرگى ۋاقىتتا «فيزتەح II» كومپانياسىنىڭ مۇلدەم قۇرىلتايشىلارى جوق.
