جەمقورلىق ەبدەن جايلاعانى سونشالىق كەيبٸر ٸرٸ شەنەۋنٸكتەر ارىستاعى اپاتقا بٶلٸنگەن قارجىعا دەيٸن قول سۇقتى. كٷندە بٸر شەنەۋنٸڭتٸڭ پارامەن ۇستالعانى جايلى حابارعا تاڭقالمايتىن بولدىق. ەرينە ازعانتاي ايلىعىمەن مەملەكەتتٸك قىزمەتتٸڭ وتىمەن كٸرٸپ, كٷلٸمەن شىعىپ, جانىن سالىپ جۇمىس ٸستەپ جٷرگەن كٶپتەگەن ارى تازا مەملەكەتشٸل, بٸلٸكتٸ قىزمەتكەرلەر دە جەتكٸلٸكتٸ. ولاردىڭ بەرٸن بٸردەي پاراقور دەپ كٸنەلاعان ەدٸلەتسٸزدٸك دەپ ويلايمىن.
ەكونوميكا تولىقتاي مۇناي مەن شيكٸزاتقا تەۋەلدٸ. مۇنايدىڭ باعاسى تٷسكەن سايىن ىستىعى كٶتەرٸلگەن ناۋقاس ادامداي دوللاردىڭ دا باعاسى شارىقتاپ كەتەدٸ. سوتتىڭ جاعدايى دا مەلٸم. ميلليون دوللار پارا الىپ ۇستالعان نيلەر كٶزدٸ باقىرايتىپ قويىپ سوت زالىنان بوساتىلىپ, تاۋىق ۇرلاعاندار كٶپەكٶرنەۋ قامالىپ جاتىر. حالىق سوت جٷيەسٸنە مٷلدە سەنبەيدٸ.
ميلليون تەڭگەگە "تاعايىندالعان" دەپۋتاتتار دا رۇقسات شەڭبەرٸندە عانا سٶز الىپ, بٸردەڭكەنٸ مٸڭگٸرلەگەنٸ بولماسا, ەلدٸك مەسەلەنٸ كٶتەرٸپ, بيٸك مٸنبەدەن بيلٸكتٸڭ قاتەلٸگٸن كٶرسەتٸپ قاتتى سٶيلەگەنٸن كٶرگەنٸمٸز جوق. جارىمايتىن ايلىققا جۇمىس ٸستەپ جٷرگەن مۇعالٸمگە دە, دەرٸگەرگە دە رەنجي المايسىڭ. قادٸرٸ كەتكەن مۇعالٸمدەردٸڭ سايلاۋدا قانداي سايقىمازاققا اينالعانىن كٶردٸك. كٶردٸك تە تٷڭٸلدٸك. تٷڭٸلدٸك تە ولاردى سونداي جاعدايعا دەيٸن تٷسٸرگەن جٷيەگە لاعىنەت ايتتىق.
دەموگرافييا كٷيرەپ تۇر. 30 جىلدا جاعدايى جوق ٶزبەك 59%, قىرعىز 43%, ازەربايجان 37% ٶسسە, قازاق نەبەرٸ 12% عانا ٶسكەن. شاڭىراق قۇرعان جاستاردىڭ 40% بٸر جىلعا جەتپەي اجىراسىپ وتىر.
30 جىلدا ازعانتاي حالىقتىڭ باسپانا مەسەلەسٸ تولىق شەشٸلگەن جوق. ەلوردا حالقى ەلٸ كٷنگە دەيٸن كٶمٸر جاعىپ وتىرسا دا ەلەمگە جاسىل ەنەرگييانى ٷيرەتپەك بولعان EXPO, LRT سەكٸلدٸ ەش پايداسى جوق ٸرٸ جوبالارعا, مەنسٸز جيىندارعا, توي-تومالاققا شاشىلعان ميلليياردتتاعان ىسىراپتى قىسقارتىپ, ورنىنا حالىقىمىزدىڭ, كٶپبالالى وتباسىلاردىڭ, مۇعالٸم, دەرٸگەرلەرٸمٸزدٸڭ جاعدايىن جاساپ تاستاۋعا بولار ەدٸ.
ۇلتتىق يدەولوگييا مٷلدەم جوق. قازاق تٸلٸنٸڭ مٷشكٸل جاعدايى تاعى بەلگٸلٸ. مەجٸلٸس پەن سەنات, ٶكٸمەتٸمٸز, بارلىق مەملەكەتتٸك مەكەمەلەر, كٶپشٸلٸك قالا حالقى ەلٸ كٷنگە دەيٸن ورىسشا شٷلدٸرلەيدٸ. دٸن سالاسى دا وڭىپ تۇرعانى شامالى. قازاقتى جٸك-جٸككە بٶلگەن تٷرلٸ تەرٸس اعىمدار ورنىعىپ الدى.
جالپى احۋالىمىز وسى. وسىنداي مٷشكٸل جاعدايدا بيلٸك قاسىم-جومارت توقاەۆقا تيدٸ. وندا دا قول-اياعى ماتالعان بيلٸك. 30 جىلدىق سٸرەسكەن جٷيە, بيلٸكتٸڭ اينالاسىنا شوعىرلانعان وليگارحتار ەلٸ دە بيلٸكتٸ ۋىسىنان شىعارعىسى كەلمەيدٸ.
وتىز جىلدا قوردالانعان بٷكٸل مٷشكٸل مەسەلە, كٷرمەلگەن كٷردەلٸ پروبلەمالاردىڭ بارلىعى توقاەۆتىڭ موينىنا ارتىلدى. بۇل ازداي ەلەمدٸك پاندەميياعا اينالعان كوروناۆيرۋس ٸندەتٸ دە ەلٸمٸزگە ٶز سالماعىن سالىپ, بۇرىن-سوڭدى بولماعان اۋىر جاعدايعا, ەكونوميكالىق داعدارىسقا تٸرەدٸ.
بٸراق وسىنداي ەلسٸز پوزيتسيياعا قاراماستان مەملەكەت باسشىسى ق. توقاەۆتىڭ ٶزگەرٸسكە, رەفورماعا دەگەن تالپىنىسىن كٶرٸپ وتىرمىز.
پرەزيدەنتتٸڭ ەلباسىعا جيٸ جالتاقتاۋى كٶپ ادامعا ۇناماسا دا, وعان مەجبٷر ەكەنٸن, تولىققاندى بيلٸكتٸڭ ەلٸ قولىنا تيمەگەنٸن حالىق تٷسٸنٸپ تە, كٶرٸپ تە وتىر.
قازاقستاندا كٶتەرٸلٸس بولعان جاعدايدا, ەلدە حاۋس ورىن الاتىنىن بولجاۋ قيىن ەمەس. ٶيتكەنٸ بۇعان سىرتقى فاكتورلار ارالاسادى. مۇنداي كەزدە قازاققا ەلٸ سٸڭٸسپەگەن, ەسٸرەسە كٶرشٸ ەلمەن قاتىسى بار ٶزگە ۇلتتاردىڭ قانداي رول وينايتىندىعىن دا توپشىلاۋ قيىن ەمەس. تٸپتٸ رەسەيدەن ەسكەر كٸرگٸزٸلۋٸ دە مٷمكٸن. رەۆوليۋتسييا بولا قالعان جاعدايدا, بيلٸك تٸزگٸنٸ حالىقتىڭ قولىنا قان تٶگٸسسٸز ٶتپەيدٸ. اياعىندا بيلٸككە كٸم كەلەتٸندٸگٸ دە بەلگٸسٸز. ناعىز لايىق تۇلعا وتىراتىندىعىنا دا كەپٸلدٸك جوق. ٶيتكەنٸ ەلدٸ ۇيىستىرىپ, ارتىنا ەرتٸپ الىپ كەتەتٸن حالىق قولداۋىنا يە ساۋاتتى وپپوزيتسييا جوق.
بٸز قىرعىزستان دا, ۋكراينا دا ەمەسپٸز. استى دا, ٷستٸ دە بايلىققا تولى بايتاق جەر, از عانا حالىقپىز. تٷرلٸ ەلدەردٸڭ مٷددەلەرٸ توعىسىپ جاتىر. سوندىقتان بٸزگە رەۆوليۋتسييا مٷلدەم تيٸمدٸ ەمەس. كەرٸسٸنشە زييان. تەۋەلسٸزدٸگٸمٸزگە قاۋٸپ.
ەندٸ نە ٸستەيمٸز? مەنٸڭشە ازاماتتىق قوعامدى بارىنشا وياتۋىمىز قاجەت. ارزان كٷلكٸ, قىسىر ەڭگٸمە ەمەس, حالىقتىڭ ساياسي ساناسىن جەتٸلدٸرٸپ, ٶز قۇقىقتارىن تالاپ ەتۋدٸ ٷيرەتۋٸمٸز كەرەك.
مەملەكەت باسشىسى ق. توقاەۆتان ۋەدە ەتكەن رەفورماسىن تاباندى تالاپ ەتۋگە تيٸسپٸز. سونداي-اق, ونىڭ وڭ قادامدارىن قولداۋ ارقىلى بيلٸگٸن كٷشەيتۋٸمٸز لەزٸم.
پرەزيدەنت حالىقتىڭ قولداۋىن سەزٸنٸپ, بيلٸگٸ كٷشەيگەن سايىن ەسكٸ جٷيە دە ەلسٸرەپ, ىقپالى ازايا بەرەدٸ. بيلٸك بٸرنەشە جىلدا ەۆوليۋتسييالىق جولمەن تولىققاندى قولىنا ٶتەدٸ. ارى قاراي جاڭا جٷيە قالىپتاسادى. بٸزدٸڭ قازٸرگٸ تاڭدا "باي تالعايتىن" جاعدايىمىز دا, باسقا تاڭداۋمىز دا جوق!
پرەزيدەنتتٸڭ جىلدار بويى وسى جٷيەنٸڭ ٸشٸندە جٷرسە دە ەشبٸر كلانعا كٸرمەۋٸ, جەمقورلىققا, ەسەپسٸز بايلىققا باتپاي ٶزٸن تازا ۇستاي بٸلۋٸ, وقىعان زييالىلعى, ساياساتكەردە بولۋى تيٸس سالقىنقاندىلىعى قازاق ەلٸن جاقسى ٶزگەرٸسكە جەتەلەيدٸ دەپ ٷمٸتتەنەمٸن.
تەۋەلسٸزدٸگٸمٸزدٸ, تىنىشتىعىمىزدى ساقتاي وتىرىپ, بەيبٸت جولمەن جٷيەنٸ ٶزگەرتۋدٸڭ باسقا جولىن كٶرٸپ تۇرعانىم جوق. اللا ەلٸمٸزگە جار بولسىن!
قايرات جولدىبايۇلىنىڭ ەلەۋمەتتٸك جەلٸدەگٸ جازباسى
