مەملەكەت باسشىسى قاسىم-جومارت توقاەۆ اۋىل شارۋاشىلىعى ەڭبەككەرلەرٸنٸڭ ەكٸنشٸ فورۋمىندا سٶز سٶيلەدٸ, دەپ حابارلايدى Dalanews.kz.
قاسىم-جومارت توقاەۆ سالاداعى مامان تاپشىلىعى مەسەلەسٸن كٶتەردٸ.
"سوڭعى كەزدەرٸ اۋىل شارۋاشىلىعى ٶنٸمٸن ٶندٸرۋشٸلەردەن جۇمىس كٷشٸ جەتٸسپەيتٸنٸ جٶنٸندە كٶپ ٶتٸنٸش تٷسٸپ جاتىر. بۇل تٷيتكٸل, ەسٸرەسە, ەگٸن ەگۋ, جيىن-تەرٸن ناۋقانىندا, ٶندٸرٸستٸ كەڭەيتۋ نەمەسە جاڭا نىساندار قۇرىلىسى كەزٸندە قاتتى سەزٸلەدٸ. مامان تاپشىلىعى كٶرشٸلەس ەلدەردەن كەلەتٸن ەڭبەك ميگرانتتارى ەسەبٸنەن ٸشٸنارا شەشٸلەدٸ. شارۋالار كۆوتانى كٶبەيتۋدٸ سۇرايدى. ولاردىڭ تالابىن ٸشٸنارا ورىنداۋعا بولاتىن شىعار.
بۇل ٶزٸ قىزىق جاعداي: بٸرٸ اۋىلدا جۇمىس جوق دەسە, ەندٸ بٸرٸ جۇمىسشى جەتٸسپەيدٸ دەپ شاعىمدانادى. ەرينە, جۇمىس بار, بٸراق ونىمەن شۇعىلداناتىن ادام از. مۇنى مويىنداۋ كەرەك", - دەدٸ توقاەۆ.
