رەسەيگە جۇمىس ٸستەۋگە بارعان قازاقستاندىق جاستاردىڭ ۋكرايناداعى سوعىسقا جٸبەرٸلۋ قاۋپٸ تۋرالى جاڭا ۆيدەوٷندەۋٸ تارادى, وندا ازاماتتار شۇعىل كٶمەك سۇراپ, سىرتقى ٸستەر مينيسترلٸگٸنە جەنە قازاقستان بيلٸگٸنە جٷگٸندٸ, دەپ حابارلايدى dalanews.kz.
ەلەۋمەتتٸك جەلٸدە تاراعان ۆيدەودا ٶزٸن الماز قايسار دەپ تانىستىرعان قازاقستاندىق ازامات رەسەيدەگٸ پوليگوندا جٷرگەنٸن ايتىپ, كٶمەك سۇراعان. ونىڭ سٶزٸنشە, قازٸر جانىندا شامامەن توعىز قازاقستاندىق بار. ول ولاردى سوعىس ايماعىنا جٸبەرۋگە دايىندىق جٷرٸپ جاتقانىن جەنە توپتاعى بٸر ازاماتتىڭ الىپ كەتكەنٸن مەلٸمدەدٸ.
«ٷش-اق كٷن ۋاقىتىمىز قالدى. قازاقستان حالقىنان, پرەزيدەنتٸنەن, ۇقك تٶراعاسىنان, سىرتقى ٸستەر مينيسترٸنەن كٶمەك سۇرايمىز. سوعىسقا جٸبەرە باستادى. بٸر بالا كەتٸپ قالدى. بٸزگە قازاقستانعا ٷش كٷن كٶپ بولسا, بٸز ٷشٸن ٶتە از ۋاقىت. بٸزدٸ الىپ كەتٸڭٸزدەرشٸ», – دەدٸ ول ۆيدەوٷندەۋٸندە.
الماز قايساردىڭ ايتۋىنشا, جاستاردىڭ بٸر بٶلٸگٸ رەسەيگە جۇمىس ٸستەۋ ٷشٸن بارعان. الايدا كەيٸن ولاردىڭ ەسكەري سيپاتتاعى قۇجاتتارعا قول قويۋىنا قاتىستى مەسەلە تۋىنداعان. قازٸرگٸ تاڭدا ولاردىڭ ناقتى قانداي جاعدايدا رەسەي اۋماعىندا جٷرگەنٸ جەنە قانداي قۇجاتتارعا قول قويعانى تۋرالى بارلىق دەرەك رەسمي تٷردە جارييالانعان جوق.
بۇل وقيعا بۇعان دەيٸن دە كٶتەرٸلگەن. قىركٷيەك ايىنىڭ سوڭىندا شىمكەنت تۇرعىنى سىمبات كەلدٸبەك ٸنٸسٸ اينابەكتٸڭ رەسەيگە كٷزەتشٸ بولىپ جۇمىس ٸستەۋگە كەتكەنٸن, كەيٸن ۋكرايناداعى سوعىس ايماعىنا جٸبەرٸلگەنٸن ايتىپ, كٶمەك سۇراعان. ونىڭ مەلٸمەتٸنشە, 2006 جىلى تۋعان اينابەك ماۋسىم ايىندا الماتىداعى ۇلتتىق ۇلان قاتارىنداعى ەسكەري قىزمەتٸن اياقتاپ, 27 تامىزدا دوسىمەن بٸرگە رەسەيگە جۇمىس ٸستەۋگە كەتكەن.
كەيٸن رەسەيدە جٷرگەن باسقا قازاقستاندىقتاردىڭ دا وسىنداي جاعدايعا تاپ بولعانى تۋرالى ۆيدەولار تارادى. كەيبٸر ازاماتتار جۇمىسقا شاقىرىلعانىن, الايدا كەيٸن ەسكەري سيپاتتاعى قۇجاتتارعا قول قويۋعا مەجبٷر بولعانىن مەلٸمدەدٸ. بۇل مەلٸمەتتەردٸڭ بٸر بٶلٸگٸ ازاماتتاردىڭ جەنە ولاردىڭ تۋىستارىنىڭ مەلٸمدەمەسٸنە نەگٸزدەلگەن جەنە ەزٸرگە تولىق تەۋەلسٸز راستالعان جوق.
قازاقستاننىڭ سىرتقى ٸستەر مينيسترلٸگٸ جاعدايدى باقىلاۋعا العان. 2 قازاندا ۆەدومستۆو ازاماتتاردىڭ رەسەيدەن ەلگە قايتارىلۋىنا قاتىستى رەسەي تاراپىمەن كونسۋلتاتسييالار جٷرگٸزٸلٸپ جاتقانىن حابارلادى. ميد مەلٸمەتٸنشە, كەيبٸر وتباسىلار مينيسترلٸككە رەسمي ٶتٸنٸش بەرگەن.
سىرتقى ٸستەر مينيسترلٸگٸ قازاقستاندىقتاردىڭ قۇقىقتارى مەن زاڭدى مٷددەلەرٸن قورعاۋ نەگٸزگٸ باسىمدىقتاردىڭ بٸرٸ ەكەنٸن اتاپ ٶتتٸ. ۆەدومستۆو ازاماتتار تۋرالى اقپاراتتى ەلەۋمەتتٸك جەلٸلەردەن ەمەس, ولاردىڭ ٶزدەرٸنەن نەمەسە تۋىستارىنان تٸكەلەي الۋدىڭ ماڭىزدى ەكەنٸن ايتتى.
وسىعان بايلانىستى ميد قازاقستاندىقتاردىڭ اتى-جٶنٸ, تۋعان كٷنٸ, بولجامدى ورنالاسقان جەرٸ جەنە رەسەيدەگٸ ەڭبەك شارتىنىڭ تالاپتارى تۋرالى تولىق اقپارات بەرۋدٸ سۇرادى. ازاماتتاردىڭ تۋىستارى ٷشٸن ارنايى جەدەل جەلٸلەر دە جۇمىس ٸستەپ تۇر.
مينيسترلٸكتٸڭ مەلٸمەتٸنشە, قازاقستاننىڭ سىرتقى ٸستەر مينيسترٸ رەسەيدٸڭ قازاقستانداعى ۋاقىتشا سەنٸمدٸ ٶكٸلٸمەن كەزدەسكەن. ال قازاقستاننىڭ رەسەيدەگٸ ەلشٸسٸنە رەسەيدٸڭ سىرتقى ٸستەر جەنە قورعانىس مينيسترلٸكتەرٸنٸڭ ٶكٸلدەرٸمەن كەزدەسۋلەر ٶتكٸزۋ تاپسىرىلعان. ماقسات – قازاقستاندىقتاردى ەلگە قايتارۋ بويىنشا بٸرلەسكەن شارالاردى پىسىقتاۋ.
6 قازاندا جاعداي بويىنشا ميد جاڭا مەلٸمەت بەرۋگە ەزٸرگە دايىن ەمەس ەكەنٸن مەلٸمدەدٸ.
«ەزٸرگە تەك وسىنداي تٷسٸنٸكتەمە بەرە الامىز. جۇمىس جالعاسىپ جاتىر, جاڭا اقپاراتتى قوسىمشا حابارلايمىز», – دەدٸ مينيسترلٸك.
وسىلايشا, رەسەيدە جٷرگەن قازاقستاندىقتاردى ەلگە قايتارۋ مەسەلەسٸ بويىنشا كەلٸسسٶزدەر جالعاسىپ جاتىر. قازٸرگٸ ۋاقىتتا ولاردىڭ بارلىعى قازاقستانعا قايتارىلدى نەمەسە سوعىس ايماعىنا جٸبەرٸلدٸ دەگەن رەسمي اقپارات جوق.
