بٸر ايدا وتاندىق بانكتەر اراسىندا يۋان ساۋداسىنىڭ كٶلەمٸ 133 ەسەگە ٶسكەن.بٸر قىزىعى, بيرجادان تىس نارىقتا رەزيدەنت بانكتەر اراسىندا قىتاي ۆاليۋتاسىمەن ساۋدا-ساتتىقتىڭ قالىپتان تىس جوعارى كٶلەمٸ جىل باسىنان بەرٸ ٷشٸنشٸ رەت تٸركەلٸپ وتىر, دەپ جازادى Dalanews.kz DATA HUB-قا سٸلتەمە جاساپ.
"قاراشا ايىنىڭ قورىتىندىسى بويىنشا, بيرجادان تىس نارىقتا رەزيدەنت بانكتەر اراسىندا قىتاي ۆاليۋتاسىن ساتىپ الۋ/ساتۋ بويىنشا وپەراتسييا كٶلەمٸ 1,35 ملرد يۋاندى قۇرادى. بۇل ورتاشا باعام بويىنشا ەسەپتەسەك, 94,7 ملرد تەڭگە بولادى. دەستٷرلٸ تٷردە رەزيدەنتتەردٸڭ ٷلەسٸنە ساۋدانىڭ بارلىعى دەرلٸك تيەسٸلٸ بولدى: يۋاندٸ ساتىپ الۋدىڭ دا, ساتۋدىڭ دا جالپى كٶلەمٸ, بەيرەزيدەنتتەرمەن جاسالعان وپەراتسييالاردى ەسەپكە العاندا 1,45 ملرد يۋان بولدى. ٶتكەن ايمەن سالىستىرعاندا كٶرسەتكٸش كەمٸ 133 ەسەگە ٶسكەن", دەلٸنەدٸ بٸرٸنشٸ كرەديتتٸك بيۋروسى ۇسىنعان مەلٸمەتتە.
تاڭعالارلىعى, ەڭ الدىمەن, قازان ايىندا ترانزاكتسييالار كٶلەمٸ ماردىمسىز (10,5 ملن يۋان) بولعان. دەگەنمەن, ساراپشىلار مۇنداي جاعداي بٸزدە جيٸ ورىن الاتىنىن ايتادى: مىسالى, 2024 جىلى 11 ايدىڭ جەتەۋٸندە كٶرسەتكٸش نٶلگە جاقىن بولعان.
"قاراشاداعى كٶرسەتكٸش بٷكٸل كەزەڭدە ەكٸنشٸ رەت كٶرٸنٸس تاۋىپ وتىر. بۇعان دەيٸن 1 ملرد يۋان دەڭگەيٸنەن بٸر-اق رەت, 2024 جىلدىڭ شٸلدە ايىندا (3,88 ملرد يۋان) اسىپ كەتكەن. بٸر قىزىعى, بيرجادان تىس نارىقتا رەزيدەنت بانكتەر اراسىندا قىتاي ۆاليۋتاسىمەن ساۋدا-ساتتىقتىڭ قالىپتان تىس جوعارى كٶلەمٸ جىل باسىنان بەرٸ ٷشٸنشٸ رەت تٸركەلدٸ (مامىردا 864,8 ملن يۋان بولدى). بۇعان دەيٸن باقىلاۋشىلار بٸزدٸڭ بيرجادان تىس ساۋدا-ساتتىقتاعى ٶسٸمدٸ تەك يۋانمەن عانا ەمەس, مەسكەۋ بيرجاسىنا قارسى سانكتسييالاردىڭ ەنگٸزٸلۋٸمەن بايلانىستىردى. سونىمەن بٸرگە رەسەيلٸك كومپانييالاردىڭ قىتايمەن ەسەپ ايىرىسۋ مەحانيزمدەرٸن ٶزگەرتكەن بولۋى مٷمكٸن".
تاعى دا. رەسەي فەدەراتسيياسىنىڭ ورتالىق بانكٸنٸڭ دەرەكتەرٸنە سەنسەك, سوڭعى 2,5 جىلدا رەسەي يمپورتىنداعى "دوستاس" ەلدەر ۆاليۋتالارىنىڭ (نەگٸزٸنەن, يۋان) ٷلەسٸ 1%-دان 46%-عا (!) دەيٸن بٸر-اق ٶستٸ.
بۇل رەتتە Bloomberg دەرەككٶزدەرٸ قازاقستاننىڭ ۆاليۋتا نارىعىندا رەسەيلٸك كليەنتتەردٸڭ يۋانعا دەگەن قىزىعۋشىلىعىنىڭ ارتقانىن اتاپ ٶتتٸ. وپەراتسييالار تەڭگەدەن باسقا ۆاليۋتادا دا جٷرگٸزٸلۋٸ مٷمكٸن ەكەندٸگٸ, سوندىقتان ولاردىڭ كٶلەمٸ ستاتيستيكادا كٶرسەتٸلمەيتٸنٸ ايتىلادى.
"بۇعان قوسا, قازان ايىندا كٷرت ٶسكەن رەسەيلٸك ۆاليۋتانى بيرجادان تىس نارىقتا ساتىپ الۋ وپەراتسييالارىنىڭ كٶلەمٸ قاراشانىڭ سوڭىندا ٸس جٷزٸندە ٶزٸنٸڭ ەدەتتەگٸ مەندەرٸنە ورالىپ, 17,7 ملرد رۋبلدٸ قۇراعانىن اتاپ ٶتەمٸز. بۇل ۇلتتىق ۆاليۋتاعا شاققاندا 86,9 ملرد تەڭگەنٸ قۇرايدى. ونىڭ ٷستٸنە بۇل سومانىڭ 82 پايىزى رەزيدەنت ەمەستەردەن تٷسكەن", دەيدٸ DATA HUB.
