كۇنى كەشە عانا الەۋمەتتىك جەلىدە ەت پەن تەرىنىڭ اراسىندا جەلىگى باسىلماعان قاۋىم مەملەكەت باسشىسىنىڭ كەڭەسشىسى بولىپ تاعايىندالعان سۋما چاكرابارتيعا قاتىستى ويىن ايتىپ، ءبىراز دۇرلىككەن ەدى. بايقاساق، تەگى ۇندىلىك چاكرابارتي مىرزا جالعىز قاسىم-جومارت توقايەۆقا عانا ەمەس، سونىمەن قاتار ىرگەدەگى وزبەكستان پرەزيدەنتى شاۆكات ميرزيايەۆكە دە كەڭەس ايتادى ەكەن.

الەۋمەتتىك جەلىدە وزدەرىن ۇلتشىل سەزىنەتىن كەيبىر ازاماتتار «ەل ىشىنەن پرەزيدەنتكە كەڭەس بەرەتىن ءبىر ازامات تابىلمادى ما» دەپ تە ايتقان وقىپ اقلدىق.

جالپى، حالىقارالىق ينستيتۋتتاردا باسقارىپ، تاجىريبە جيناعان بىلىكتى مامانداردى كەڭەسشىلىككە تارتۋدىڭ ەشقانداي سوكەتتىگى جوق. مۇنداي تۇلعالار ەلدىڭ ءيمدجىن كوتەرىپ، ينۆەستيسيالىق تارتىمدىلىعىن ارتتىرا ءتۇستىنى بەلگىلى.

ەۋروپانىڭ دامۋ جانە قايتا قۇرۋ بانكىن تابىستى باسقارعان سۋما چاكرابارتيدى وسىنداي تۇلعالاردىڭ قاتارىنا جاتقىرۋعا بولادى.

سۋما چاكرابارتي ەۋروپانىڭ دامۋ جانە قايتا قۇرۋ بانكىن 2012-2020 جىلدار ارالىعىندا باسقارعان.