ق ر وقۋ-اعارتۋ ءمينيسترى عاني بەيسەمبايەۆ وقۋشىلارعا جاقسى باعا ءۇشىن بانكتەردىڭ بونۋس بەرۋى قانشالىقتى دۇرىس دەگەن سۇراققا جاۋاپ بەردى، دەپ حابارلايدى Dalanews.kz.
“جاقسى وقۋ تەك سىرتقى موتيۆاسياعا نەگىزدەلمەۋى كەرەك. بالا جوعارى باعا الۋ نەمەسە اقشا ءۇشىن عانا وقۋعا ۇيرەنبەۋى ءتيىس، ويتكەنى ءبىلىم – ادامنىڭ بولاشاقتاعى مانسابى مەن جەتىستىگى ءۇشىن قاجەت. سوندىقتان بۇل ماسەلەدە دە ساقتىق قاجەت. ءبىلىم بەرۋ جۇيەسى وتە اۋقىمدى، شىعارماشىلىق تاسىلدەر مەن ءتۇرلى ۇسىنىس كوپ كەزدەسەدى”، – دەدى مينيستر ءماجىلىس كۋلۋارىندا.
ءمينيستردىڭ ايتۋىنشا، مۇنداي تاجىريبەلەردى ەنگىزۋگە بولادى، الايدا ونى كەڭىنەن قولدانۋ ۇسىنىلمايدى.
قازىرگى تاڭدا قازاقستاندا Kundelik.kz جانە BilimClass ەلەكتروندى كۇندەلىكتەرىندە قويىلعان ۇزدىك باعالار ءۇشىن وقۋشىلارعا بونۋس تاعايىنداپ وتىر.
