الەۋمەتتىك جەلىلەردە پاتريوتتىققا قارسى ريتوريكانى تاراتاتىن، «بەسسمەرتنىي پولك» اكسياسىنا بويكوت جاريالاۋعا شاقىراتىن نەمەسە قوعامدى جىككە بولۋگە باعىتتالعان وزگە دە ارەكەتتەردى جاسايتىن تۇلعالار تۋرالى اقپارات جيناۋ ءۇشىن Telegram بوتى قۇرىلعانى تۋرالى «قازاقستان رەسپۋبليكاسى ۇلتتىق قاۋىپسىزدىك كوميتەتى باسپا ءسوز قىزمەتىنىڭ رەسمي مالىمدەمەسى» دەگەن اقپارات تاراپ جاتىر، دەپ حابارلايدى Dalanews.kz.

بۇل «مالىمدەمە» — جالعان، ونداعى مالىمەتتەر شىندىققا جاناسپايدى.

ۇقك-نىڭ رەسمي اقپاراتتارى تەك «knb.gov.kz» سايتى، «knbgov_kz» Telegram-ارناسى جانە «knbgovkz» Instagram-پاراقشاسى ارقىلى جاريالانادى.

ۇقك تەك رەسمي دەرەككوزدەرگە سەنىپ، جالعان اقپارات تاراتپاۋعا شاقىردى.