بيىلعى جىلدىڭ العاشقى بەس ايىندا قازاقستاننىڭ ٸشكٸ جالپى ٶنٸمٸ 6 پايىزعا ٶسٸپ وتىر. قارجى سالاسىنىڭ مامانى ايبار ولجاەۆ 2025 جىلدىڭ باعىتىن ايقىنداۋ ٷشٸن دە وسى ٷشٸنشٸ توقسانداعى كارتينا ەڭ ماڭىزدى سيپاتقا يە ەكەنٸن ايتادى, دەپ حابارلايدى Dalanews.kz.
"بٸز مامىر ايىنىڭ ستاتيستيكاسىن اسىعا كٷتكەن بولاتىنبىز. سەبەبٸ, ماۋسىمدا ٸسكەرلٸك يندەكس تٶمەندەمەسە, ال ول تٶمەندەمەيتٸن سيياقتى, بٸزدە وسى جارتى جىلدىقتى 6 پايىز ٶسٸممەن جابۋعا مٷمكٸندٸك بار. دەمەك, جىلدىڭ باعىتىن ايقىنداۋ ٷشٸن ٷشٸنشٸ توقسانداعى كارتينا ەڭ ماڭىزدى سيپاتقا يە بولادى", دەپ جازادى ايبار ولجاەۆ Facebook-تەگٸ پاراقشاسىندا.
ول ەكونوميكا ٶسٸمٸندەگٸ نەگٸزگٸ يمپۋلستٸ كٶلٸك پەن لوگيستيكا, قۇرىلىس, ٶنەركەسٸپ پەن ٶندٸرٸس بەرگەنٸن ناقتىلايدى.
"بيىلدان باستاپ ەڭ قاتتى ٶسكەنٸ - كٶلٸك تاسىمالى سالاسى. تەمٸرجولمەن جٷكتٸ تاسىمالداۋ 17 پايىزعا, قۇبىر ارقىلى شيكٸزات تاسىمالداۋ 13,8 پايىزعا ارتقان. دەمەك قازاقستان ەكونوميكاسىندا لوگيستيكا باعىتى كٷن ساناپ ماڭىزدى سەكتورعا اينالىپ كەلەدٸ. بٸز, ەۋ باستا, نەگٸزگٸ ٷمٸتتٸ وسى لوگيستيكاعا ارتقان بولاتىنبىز. قازاقستاننىڭ ورتا دەلٸزدەگٸ نەگٸزگٸ مەملەكەت رەتٸندە تانىلۋىن وسى سانداردان كٶرۋگە بولادى", - دەيدٸ ول.
ونىڭ ايتۋىنشا, تاعى بٸر لوكوموتيۆتٸڭ بٸرٸ - قۇرىلىس سالاسى.
"قۇرىلىس وسى بەس ايدا 15,4%-عا ارتقان. ەلدەگٸ بارلىق ٶڭٸرلەردە قارقىندى قۇرىلىس جٷرگٸزٸلٸپ كەلەدٸ. عيماراتتار, جولدار, كٶپٸرلەر, زاۋىتتار مەن فابريكالار سالىنۋدا. سونىمەن بٸرگە ٶنەركەسٸپتٸڭ ٶسۋٸ قۋانتادى, قازاقستان مولىنان تىڭايتقىشتار, حيمييا, تسەمەنت, قۇس ەتٸن ەزٸرلەۋدٸڭ ارقاسىندا ٶنەركەسٸپتە 6,4% ٶسٸم بار", - دەيدٸ ولجاەۆ.
مامان ٶندٸرٸس سەكتورىندا بٸز 30 جىل بويى كٷتٸپ جٷرگەن بٸر ترەند ورىن العانىن باسا اتاپ كٶرسەتەدٸ.
"بۇرىن بۇل سەكتوردىڭ دامۋىن شيكٸ مۇناي مەن مەتال ٶندٸرۋ, ياعني شيكٸزاتتىق سەكتور قامتاماسىز ەتەتٸن. بيىل سەكتورداعى باسىم ٷلەسكە ٶڭدەۋ باعىتى يە بولىپ وتىر. ياعني, نەگٸزگٸ ٶسٸمدٸ شيكٸزاتتى قازىپ الىپ ساتۋ ەمەس, ونى ٶڭدەپ, دايىن تاۋارعا اينالدىرۋ ٸسٸ بەرٸپ وتىر. مۇنايعا دەگەن تەۋەلدٸلٸكتٸ جىلىنا 1-2 پايىز بولسا دا قىسقارتا بەرۋگە بەت العان سيياقتىمىز. ونى بيىلدىڭ جىلدىڭ جالپى قورىتىندىسى شىققاندا, ٶتكەن جىلمەن سالىستىرىپ تولىق ايتا الامىن", - دەيدٸ ول.
"جالپى العاندا جاعىمدى تەندەنتسييانىڭ يٸسٸ سەزٸلەدٸ", دەگەن مامان 17 مەگاجوبا تۋرالى ەڭگٸمەنٸ جالعاستىرادى.
"وسى تٸزٸمدەگٸ ەكٸ مەگاجوبانىڭ اۆتوكٶلٸك قۇرىلىسىنا قاتىسى بار. بيىل قوستاناي وبلىسىندا كيا زاۋىتى ٸسكە قوسىلادى. وعان 131 ميلليارد تەڭگە ينۆەستيتسييا قۇيىلدى. جىلىنا 70 مىڭ كيا اۆتوكٶلٸگٸ قۇراستىرىلىپ, ونى جاقىن, الىس شەتەلدەرگە ەكسپورتتاي باستايمىز. تاعى بٸر پايداسى, وندا بٸر جارىم مىڭ ادام جۇمىس ٸستەيتٸن بولادى. بيىل الماتىدا Chery, Haval جەنە Changan اۆتوكٶلٸكتەرٸن شىعاراتىن كٶپبرەندتٸ زاۋىت جۇمىسىن باستايدى. وندا قۇراستىرىلعان قىتاي كٶلٸكتەرٸ ەۋرازييالىق ەكونوميكالىق وداق نارىعىن جاۋلاماق. سەبەبٸ, قازاقستاندا جاسالعاندىقتان پوشلينا تٶلەنبەيدٸ. سوندىقتان قازاقستاننان الۋ تيٸمدٸ بولماق. ەكونوميكانىڭ ٶسۋٸ, فيسكالدى ستيمۋلدار ارقىلى (مەملەكەتتٸڭ ەكونوميكاعا ارزان كرەديتتەر ارقىلى اقشا قۇيۋى) ٸشكٸ تۇتىنۋدىڭ ارتۋى جاعدايىندا ٶسٸم مەن ينفلياتسييا اراسىنداعى يدەالدى بالانستى تابۋ قاتتى ماڭىزدى بولىپ وتىر. ەكونوميكا ٶسٸپ, اقشا كٶبەيٸپ, بٸراق ارتىنان قىمباتشىلىق ۇرسا, بۇل بٸزدٸڭ تابىسىمىز بەن جەتٸستٸگٸمٸزدٸ جوققا شىعارىپ جٸبەرەدٸ. حالىق بٸر قادام العا جٷرٸپ, ارتىنان ەكٸ قادام ارتقا شەگٸنبەك. وسى سۇراقتى قاپەردە ۇستاپ وتىرۋ قاجەت", دەپ سٶزٸن قورىتىندىلايدى ايبار ولجاەۆ.
بۇعان دەيٸن 2025 جىلدىڭ قاڭتار-مامىر ارالىعىندا قازاقستاننىڭ جٸٶ 6%-عا ٶسكەنٸن حابارلاعانبىز.
