شىمكەنت ەكٸمٸنٸڭ ورىنباسارى رۋسلان بەردەنوۆكە جاسالعان شابۋىلدىڭ سەبەبٸ بەلگٸلٸ بولدى, دەپ حابارلايدى Dalanews.kz.
پروكۋرور باۋىرجان قارامانوۆ سوتتا وقيعانىڭ بارلىق جاي-جاپسارىن قامتيتىن ايىپتاۋ اكتٸسٸن ەگجەي-تەگجەيلٸ وقىپ بەردٸ.
ٸس ماتەريالدارىنا سەيكەس, 2025 جىلدىڭ 21 سەۋٸرٸندە ايىپتالۋشى ەرنار جيەمباي شىمكەنت قالالىق قۇرىلىس باسقارماسىنىڭ سالىنىپ جاتقان نىساندارعا مونيتورينگ جٷرگٸزۋ بٶلٸمٸ باستىعىنان اقپارات العان. ول جيەمبايعا ەكٸم ورىنباسارى رۋسلان بەردەنوۆتٸڭ تاپسىرماسىمەن "تۇرعىن ٷي شىمكەنت" جشس باسشىسى قىزمەتٸنەن ٶز ەركٸمەن كەتۋٸ قاجەت ەكەنٸن ايتقان.
ايىپتاۋشى تاراپتىڭ مەلٸمدەۋٸنشە, وسى جايتتان كەيٸن جيەمبايدا بەردەنوۆكە قاتىستى ٶشپەندٸلٸك پەن ونى ٶلتٸرۋگە دەگەن نيەت پايدا بولعان. ول دٷكەنگە بارىپ, ٸشٸمدٸك ساتىپ الىپ, ونى كٶلٸكتە ٸشٸپ, كەيٸن ٷيٸنە بارىپ, "سايگا" ماركالى اڭشى مىلتىعىن العان. بٸراز ۋاقىت بويى قارۋدى جۇبايىنا تيەسٸلٸ كٶلٸكتٸڭ جٷك سالعىشىندا ساقتاعان.
كەشكە قاراي جيەمباي قالا ەكٸمدٸگٸنٸڭ عيماراتىنا بارىپ, ەكٸمنٸڭ ورىنباسارىن كٷتكەن. بەردەنوۆتٸ كٶرٸسٸمەن وعان بەس رەت وق اتقان.
رۋسلان بەردەنوۆ جاراقات العانىنا قاراماستان قارسىلىق كٶرسەتكەن. وسى سەتتە وقيعاعا ەكٸم ورىنباسارىنىڭ جٷرگٸزۋشٸسٸ ارالاسقان.
ايتا كەتەيٸك, شىمكەنت قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قالا ەكٸمٸنٸڭ ورىنباسارى رۋسلان بەردەنوۆكە جاسالعان قاستاندىق تۋرالى ٸس بويىنشا الدىن الا وتىرىس ٶتتٸ.
سوت وتىرىسىندا سۋديا ابينۇر قاراباەۆ رۋسلان بەردەنوۆتٸ 6 تامىزعا جوسپارلانعان نەگٸزگٸ سوت پروتسەسٸنە مٸندەتتٸ تٷردە قاتىسۋعا شاقىردى.
رۋسلان بەردەنوۆ الدىن الا تىڭداۋعا ٶزٸ كەلمەگەن. ونىڭ ٶكٸلٸ بەردەنوۆتٸڭ قازٸرگٸ ۋاقىتتا ەم قابىلداپ جاتقانىن مەلٸمدەدٸ.
بۇل ٸس بويىنشا باستى كٷدٸكتٸ - ەرنار جيەمباي. اشىق فورماتتا ٶتكەن الدىن الا تىڭداۋ كەزٸندە سۋديا جيەمبايدىڭ سوت پروتسەسٸ بارىسىندا ٶزٸن تٷسٸرۋگە قارسى ەكەنٸن جەتكٸزدٸ.
