بەلارۋس رەسمي تۇردە بريكس-پەن سەرىكتەس بولدى، - دەپ حابارلايدى Dalanews.kz بەلتا-عا سىلتەپ.
بەلارۋس پرەزيدەنتى الەكساندر لۋكاشەنكو 5 قاراشادا رەسەي پرەزيدەنتى ۆلاديمير پۋتينگە باعىتتالعان، ەلدىڭ بريكس-كە سەرىكتەس رەتىندە قوسىلۋعا دايىن ەكەنى تۋرالى حاتقا قول قويدى.
بەلارۋستىڭ سىرتقى ىستەر ءمينيسترى ماكسيم رىجەنكوۆ رەسەي ەلشىسى بوريس گرىزلوۆپەن كەزدەسۋى كەزىندە قۇجاتتى رەسەي ديپلوماتىنا تاپسىردى.
بەلتا
"جازباشا شاقىرۋعا رەسمي جاۋاپ مۇشە مەملەكەتتەر كەلىسكەن سەرىكتەستىك مارتەبەسىن الۋ ءراسىمىنىڭ مىندەتتى ەلەمەنتى بولىپ سانالادى. ءدال وسى ساتتەن باستاپ بەلارۋس - رەسمي تۇردە بريكس-تىڭ سەرىكتەسى"،- دەپ جازىلعان مالىمەتتە.
ايتا كەتەيىك، بۇعان دەيىن پرەزيدەنتكە قازاقستاننىڭ بريكس قۇرىلىمىنا كىرۋ مۇمكىندىگىن قاراستىرۋ تۋرالى ۇسىنىستار تۇسكەن بولاتىن.
بۇل تۋرالى پرەزيدەنتتىڭ كەڭەسشىسى - پرەزيدەنتتىڭ باسپا ءسوز حاتشىسى بەرىك ءۋالي ايتتى.
