سونىمەن قاتار ول الداعى ەپيدەميولوگيالىق ماۋسىمنىڭ ەرەكشەلىگى – كوروناۆيرۋستىڭ قاباتتاسۋ ءقاۋپى زور ەكەنىن دە جاسىرعان جوق.
باس سانيتار دارىگەردىڭ ايتۋىنشا، اۋىر جاعدايداعى ناۋقاستاردى اۋرۋحاناعا جاتقىزۋ ءۇشىن قوسىمشا 485 توسەك قاراستىرىلعان.
– قالانىڭ مەديسينالىق ۇيىمدارىندا، ءدارىحانالارىندا ءبىر رەتتىك ماسكالار، ۆيرۋسقا قارسى پرەپاراتتار، دەزينفەكسيالىق قۇرالدار جەتكىلىكتى. قورلاردى قالىپتاستىرۋ جۇمىستارى جالعاسىپ جاتىر، – دەدى بەكشين.
وتكەن اپتادا قالا بويىنشا جرۆي اۋرۋىنا قاتىستى 1 219 جاعداي تىركەلگەن. ازىرشە 100 مىڭ تۇرعىنعا شاققانداعى كورسەتكىشى– 62ء-نى قۇراپ وتىر. بۇل الدىڭعى اپتاداعى كورسەتكىشتەن 25% تومەن جانە وتكەن جىلدىڭ وسى كەزەڭىمەن سالىستىرعاندا اۋرۋشاڭدىق 21% پايىزعا جوعارى. قازىرگى ۋاقىتتا تۇماۋ جاعدايلارى تىركەلگەن جوق.
