رەشەت قاليبەكتىڭ ايتۋىنشا، سوتقا شاقىرتۋ قاعازى وعان ءبىر اپتا بۇرىن كەلگەن.
– جاقىندا Bek Air ماعان سوتقا بەرگەنى تۋرالى قاعاز كەلدى. ەندى ويلاپ وتىرعانىم، نەگە جەرگە رۇقسات بەرگەن ءارى سول جەرگە ءۇي سالۋعا رۇقسات بەرگەن اكىمدىكتىڭ ۇستىنەن ەمەس، مەنىڭ ۇستىمنەن ارىزدانادى؟ ەندى مەنى كىنالى قىلعىسى كەلەدى. 21 اقپانعا سوتقا شاقىرتىپ وتىر. مەن باستاپقىدا Bek Air كومپانياسىنىڭ ۇستىنەن ارىزدانعانمىن. ال ەندى ولار مەنىڭ ۇستىمنەن ارىزدانىپ وتىر، – دەپ حابارلادى رەشەت قاليبەك.
Bek Air ۇشاعى بىلتىر 27 جەلتوقساندا تاڭعى ۋاقىتتا اپاتقا ۇشىراعان. لاينەر الماتىدان نۇر-سۇلتانعا ۇشىپ شىققان بەتتە قۇلديلاپ، اۋەجاي قورشاۋىنان اسىپ، ۇيگە سوعىلعان بولاتىن. ۇشاق بورتىندا 93 جولاۋشى مەن ەكيپاجدىڭ 5 مۇشەسى بولعان. اپات سالدارىنان 12 ادام قازا تاپتى،
