2016-2018 جىلدارى جوبانىڭ ءۇشىنشى كەزەڭىن جۇزەگە اسىرۋ ماقساتىندا 13 ملرد. تەڭگە شەتەل ينۆەستيتسياسى تارتىلعان. ەگەر ءۇشىنشى كەزەڭ ەڭسەرىلسە، جىلىنا 15 مىڭعا جۋىق دۋاداق ۇشىرىلۋ جوسپارلانىپ وتىر. سونداي-اق، جۇمىسشىلار سانىن 400-گە جەتكىزۋ كوزدەلۋدە.
ءيا، سولاي اۋداندا اراب ينۆەستورى شەيح حاليفانىڭ قۇس ءوسىرۋ ورتالىعى كۇن ساناپ دامىپ كەلەدى. 895 گەكتار جەردى الىپ وتىرعان كاسىپورىن 3،5 ملرد تەڭگە شەتەل ينۆەستيسياسىن تارتىپ، دۋاداق قۇسى ءتۇرىنىڭ باسىن بۇگىنگى تاڭدا 4 مىڭعا جەتكىزگەن.
ىلگەرىدە ايتىپ كەتكەنىمىزدەي جىلىنا بيۋدجەتكە 700 ملن تەڭگە سالىق تولەيتىن ينۆەستورلار جوبانىڭ ءۇشىنشى كەزەڭىن ىسكە اسىرىپ، جۇمىسشىلار سانىن 400-گە ارتتىرۋدى جوسپارلاۋدا.
سونداي-اق شەتەلدىك كاسىپورىن اۋدانداعى 5 الەۋمەتتىك نىساننىڭ قۇرىلىسىن ءوز قاراجاتىنا جۇرگىزۋگە نيەت ەتىپ وتىر. اتالعان كاسىپورىنعا ارنايى بارعان وبلىس اكىمى مۇنداعى ارقارىلعان جۇمىستارعا دا وڭ باعاسىن بەردى.
ايتا كەتەيىك، مۇنداي تۇقىمباقتار الەمنىڭ ءۇش ەلىندە ياعني موروككو، بىرىككە اراب امىرلىگى مەن قازاقستاندا عانا بار.
اراب تارابى قازاقستان الدىنداعى ءوز مىندەتىن ورىنداۋ ءۇشىن 2010-2017 جىلدار ارالىعىندا قازاقستاننىڭ تابيعاتىنا باس-اياعى 2 مىڭعا جۋىق دۋاداق ۇشىرعان.
