اتاپ ايتقاندا، پرەزيدەنت اقش-تى كليمات جونىندەگى پاريج كەلىسىمىنە قايتا قوسىپ، اقش-تىڭ دۇنيەجۇزىلىك دەنساۋلىق ساقتاۋ ۇيىمىنا مۇشەلىگىن قالپىنا كەلتىردى.
«ءبىز بۇرىن-سوڭدى بولماعان دارەجەدە كليماتتىڭ وزگەرۋمەن كۇرەسەمىز» دەدى بايدەن.
«امەريكا داۋىسى» سايتىنىڭ جازۋىنشا، بايدەن سونىمەن بىرگە مۇسىلماندار كوپ شوعىرلانعان كەيبىر ەل تۇرعىندارىنىڭ اقش-قا كىرۋىنە قويىلعان شەكتەۋدى جوياتىن بۇيرىققا قول قويعان. كاپيتولييدەگى سالتاناتتى شارا اياقتالا سالىسىمەن ونىڭ كومەكشىلەرى بايدەننىڭ اقش پەن مەكسيكا اراسىنداعى دۋال قۇرىلىسىن توقتاتاتىنىن دا حابارلاعان.
دونالد ترامپ 2017 جىلى پاريج كەلىسىمىن «اقش ەكونوميكاسى ءۇشىن قولايسىز كەلىسىم بولدى» دەپ اتاپ، ءوز ەلىن بۇل كەلىسىمنەن شىعاراتىنىن مالىمدەگەن. اقش رەسمي تۇردە بۇل كەلىسىمنەن 2020 جىلى قاراشا ايىندا شىقتى. ونىڭ قايتا قوسىلۋى ءۇشىن ءبىر اي ۋاقىت كەرەك بولادى.
سەناتور-رەسپۋبليكاشىل تەد كرۋز بايدەننىڭ پاريج كەلىسىمىنە ورالۋ باستاماسىن سىناپ، «بۇل شەشىم امەريكانى الەمدە كوشباسشى ەتپەيدى، كليمات ماسەلەسىن دە شەشپەيدى، سونىڭ سالدارىنان مىڭداعان امەريكالىق جۇمىسىنان ايىرىلادى» دەپ مالىمدەدى.
ال سەناتور-رەسپۋبليكاشىل كيەۆين كرامەر بايدەن شەشىمىن «اقىلعا قونىمدى قادام» دەپ اتاپ، تەك جاڭا اكىمشىلىك امەريكانىڭ ۇلتتىق مۇددەسىن ۇمىتپاي، امەريكالىق سالىق تولەۋشىلەردىڭ اقشاسىنىڭ ىسىراپ بولۋىنا جول بەرمەۋى ءتيىس دەدى.
