بايان كٷيەۋٸنەن زەبٸر كٶرگەن ەربٸر ەيەلدٸ قورعاۋعا بەكٸنٸپ وتىر
بايان ماقساتقىزىنىڭ ايتۋىنشا, ەيەلدەر قۇقىعىن قورعايتىن قور اشامىن دەپ ايتقالى بەرٸ پروديۋسەردەن كٶمەك سۇرايتىن بيكەشتەر كٶبەيگەن.
“بارلىق جەردە, ەۋەجايدا, كٶشەدە, دٷكەندە, تٸپتٸ كافەدە جانىما ەيەلدەر كەلٸپ جاتادى. “بايان, سٸزدٸ بٸرنەشە مينۋتقا بولا ما?” دەپ شاقىرىپ الىپ, سۇمدىق حيكايالارىن ايتادى”, – دەيدٸ ماقساتقىزى.
پروديۋسەر الداعى اپتادا تۇرمىستىق زومبىلىقتىڭ قۇربانى بولعان ەيەلدەردٸڭ بٸرٸمەن باسپاسٶز كونفەرەنتسيياسىن ٶتكٸزۋدٸ جوسپارلاپ وتىر.
– بٷگٸن تٷسٸرٸلٸم الاڭىندا كٶمەك سۇراپ كەلگەن ەيەلمەن سٶيلەستٸم. ٷش جىلدان بەرٸ تۇرمىستىق زورلىق-زومبىلىققا ۇشىراپ كەلەدٸ ەكەن. بۇدان بىلاي جەكە ٶزٸمنەن كٶمەك سۇراعان ەر ەيەلگە كٶمەكتەسەتٸن بولامىن, – دەپ اتاپ ٶتتٸ ماقساتقىزى.
قازٸرگٸ ۋاقىتتا بايان جوبانى ەزٸرلەۋگە بٸلەك سىبانا كٸرٸسٸپ كەتكەن. ول وسى ٸسپەن اينالىسىپ جٷرگەن جاندارمەن پٸكٸر الماسىپ, تٸپتٸ, تەجٸريبە جيناۋ ٷشٸن شەتەلگە اتتانباق نيەتتە.
– بولاشاق قوردىڭ اتىن دا ويلاستىرىپ قويدىم, “ايۋ تاس” بولادى. ەجەلگٸ تٷركٸ تٸلٸنەن اۋدارعاندا “وتباسى” دەگەندٸ بٸلدٸرەدٸ. قازاقستاندا ەيەلدەر قۇقىعىن قورعاۋمەن اينالىساتىن جٷزگە جۋىق قور بار. بٸز دە قاراپ وتىرماي, زەرتتەدٸك. ولار دا جۇمىس ٸستەپ جاتىر. بٸراق بٸز قالاعانداي نەتيجە جوق. جٷز بٸرٸنشٸ قور قۇرعىم كەلمەيدٸ, – دەيدٸ بايان.
بۇدان ٶزگە, پروديۋسەر قازٸرگٸ تاڭدا دەمەۋشٸ ٸزدەپ جٷرگەنٸن جاسىرمادى. ايتۋىنشا, كٸتاپ ساتىلىمىنان تٷسكەن قارجى قور جۇمىسىن ٸسكە قوسۋعا جەتكٸلٸكسٸز.
“اپتا سايىن اقشا تٷسەدٸ, سوندىقتان شاتاسۋىم مٷمكٸن. جالپى شامامەن 40 ميلليونداي اقشا كەرەك دەپ ويلايمىن”, – دەيدٸ بايان.
ماقساتقىزى “سيسيتاي” ميۋزيكلٸن تاسپالاپ بولعان سوڭ شىعارماشىلىقتان بٸراز ۋاقىتقا قول ٷزٸپ, قور جۇمىسىمەن اينالىسپاق نيەتتە.
