"شىمكەنت - وتە تاماشا قالا. مۇندا تالانتتى ادامدار كوپ. الداعى ۋاقىتتا شىمكەنتتە تولىقتاي ءبىر جاڭا فيلم تۇسىرۋگە قۋانا كەلىسەمىن" ، - دەدى شىمكەنتتىكتەرگە "سيسيتاي" ءفيلمىن تانىستىرعان پروديۋسەر.
جاڭا ءفيلمنىڭ تانىستىرىلىمى كەزىندە پروديۋسەر كورەرمەن قاۋىمنىڭ ەلىمىزدىڭ وڭتۇستىك ولكەسى تاريحي ولكەلەرگە باي، ماسەلەن كونە قالا "وتىرار" تۋرالى تاريحي فيلم ءتۇسىرۋ ويىڭىزدا جوق پا دەگەن ساۋالىنا دا جاۋاپ بەردى.
الاگوزوۆا حانىم تاريحي فيلم ءتۇسىرۋ شىعىندى كوپ تالاپ ەتەتىندىكتەن ونداي قادامعا كوبىنە ءيميدجدى كوتەرۋگە بارۋعا بولاتىنىن، ال پروكات ارقىلى شىعىندى وتەۋ مۇمكىن ەمەستىگىن العا تارتتى. سونىمەن قاتار وڭۇستىكتىڭ بيلىگى بۇل جايتتى ەسكەرەتىن بولسا، قۋانا كەلىسەتىنىن دە جەتكىزدى.
"تاريحي جانر ول مۇلدەم باسقا. باعاسى دا قىمبات. كادىمگى ءتۇسىرىلىپ جۇرگەن فيلمدەردەن ون ەسە كوپ شىعىن كەتەدى. ءبىزدىڭ نارىقتا ونداي فيلمدەر ءوز-وزىن اقتامايدى. ەگەر جەرگىلىكتى بيلىك ءبىزدى قارجىلاندىرسا، ارينە، كەلىسەمىن"، - دەپ جاۋاپ بەردى پروديۋسەر.
