بيىلعى جىلى 46 مىڭنان استام جۇمىس ورنىن قۇرۋدى جوسپارلاپ وتىرمىز.

يميدجدىك شارالاردى وتكىزۋگە باعىتتالعان شىعىنداردى جانە بيۋدجەتتىڭ باسىمدىق بەرىلمەيتىن  شىعىندارىن قىسقارتۋ، كولىك، جيھاز ساتىپ الۋدى توقتاتۋ قاجەت"، – دەگەن ەدى ايماق باسشىسى.

...

ءازىر كوروناۆيرۋستان ەمدەلىپ، نۇر-سۇلتانداعى كارديوورتالىقتا جاتقان باتالوۆتىڭ تاپسىرماسى قالاي ورىندالۋدا؟ ايماقتاعى جۇمىسپەن قامتۋدىڭ قارقىنى قانداي؟ جىل باسىنان بەرى قانشا ادام جۇمىسقا تۇردى؟ "جۇمىسپەن قامتۋ " باعدارلاماسى اياسىندا الماتى وبلىسىنا بولىنگەن 109،2 ملرد تەڭگە قالاي يگەرىلۋدە؟ وبلىستاعى قالا-اۋدانداردا قانداي الەۋمەتتىك ينفراقۇرىلىمدار بوي كوتەردى؟

Dalanews.kz ايماقتاعى ءاربىر ەلدى-مەكەنگە جەكە-جەكە توقتالىپ، جۇمىسپەن قامتۋ باعىتىنداعى اتقارىلعان ىسكە كەڭ كولەمدى شولۋ جاسادى.

تالعار قالاسى

تالعاردا «جۇمىسپەن قامتۋ جول كارتاسى» باعدارلاماسى اياسىندا جالپى قۇنى 6 ملرد 368،7 ملن تەڭگەنى قۇرايتىن 46 ينفراقۇرىلىمدىق جوبا جۇزەگە اسىرىلادى.

بۇلار ىسكە اسقان جاعدايدا 1601 جاڭا جۇمىس ورنى قۇرىلادى. سونىڭ ىشىندە قالالىق جۇمىسپەن قامتۋ ورتالىعىنىڭ جولداماسى بويىنشا تالعار اۋدانىنىڭ 801 ادامى جۇمىسقا ورنالاسادى.

بۇگىنگى تاڭڭدا بارلىق 46 جوبا بويىنشا كونكۋرستار جاريالانعان ەكەن. ونىڭ ىشىندە 31ء-نىڭ قورىتىندىسى (جوسپارعا سايكەس 4 ملرد 271 ملن. تەڭگە نەمەسە جالپى بولىنگەن قارجىدان 66،8 پايىزى ) شىققان.

بۇل بويىنشا 1071 جاڭا جۇمىس ورىندارىن (ونىڭ ىشىندە 540 ادام جۇمىسپەن قامتۋ ورتالىعى ارقىلى) اشۋ جوسپارلانعان.

ءازىردىڭ وزىندە 14 جوبا بويىنشا 243 ادام جۇمىسقا ورنالاسقان، ونىڭ ىشىندە 124 ادام جۇمىسپەن قامتۋ ورتالىعىمەن.

اتاپ ايتار بولساق، ونىڭ ىشىندە توڭكەرىس اۋىلىنداعى № 23 ورتا مەكتەپتىڭ كۇردەلى جوندەۋدەن وتكىزۋ، تالعار كالاسىنداعى وبلىستىق ساناتوريالىق ۇلگىدەگى مەكتەپ ينتەرناتتىڭ كۇردەلى جوندەۋ، اۋداندىق مادەنيەت ءۇيىنىڭ جىلۋ جۇيەسىن قالىپقا كەلتىرۋ سەكىلدى ماڭىزدى جوبالار بار.

پانفيلوۆ اۋدانى

جاركەنت وڭىرىندە قازىرگى كۇنى 1047 ازامات ەكى قولعا، ءبىر كۇرەك تاپتى. اۋداندا «جۇمىسپەن قامتۋدىڭ جول كارتاسى-2020» باعدارلاماسى اياسىندا 55 جوبا جاسالىنىپ، 5.2 ملرد بولىنگەن.

ىلگەرىدە ايتقانداي 1047 جۇمىس ورنى قۇرىلىپ، جۇمىسپەن قامتۋ ورتالىعى ارقىلى 523 ادام جۇمىسقا ورنالاسقان ەكەن. 

اۋدانداعى مادەنيەت ءۇيى مەن ەكى مەكتەپكە كۇردەلى جوندەۋ جۇمىستارى جۇرگىزىلۋدە. اۋداندا جولدار، كوشەلەردى جارىقتاندىرۋ، مەكتەپ ىشىنە دارەتحانا ورناتۋ، پاركتەردى اباتتاندىرۋ سىندى جۇمىستارقولعا الىنعان.

ال پەنجىم اۋىلىندا كۇنىنە 50 ادامدى قابىلدايتىن امبۋلاتوريا سالىنىپ جاتىر.

قاپشاعاي قالاسى

«جۇمىسپەن قامتۋدىڭ جول كارتاسى-2020» باعدارلاماسى اياسىنداعى جۇمىس قاپشاعاي قالاسىندا دا ءوز رەتىمەن ىسكە اسىرىلۋدا. قالادا 18 جوبا قولعا الىنعان.

سونىڭ ارقاسىندا 143 جۇمىس ورنى اشىلماق. بۇگىنگى كۇنى قالالىق جۇمىسپەن قامتۋ ورتالىعى ارقىلى 122 ادام جۇمىسقا تۇرعان.

جوعارى دا اتالعان جوبالاردى ورىنداۋ ماقساتىندا قازىنادان 1 ملرد. 705562 مىڭ تەڭگە ءبولىنىپتى.

باعدارلاما شەڭبەرىندە ى. التىنسارين، ش. ءۋاليحانوۆ اتىنداعى ءبىلىم وردالارىنىڭ قۇرىلىسى ، «قاپشاعاي جىلۋ» مەكەمەسىن كوگىلدىر وتىنمەن قامتۋ جانە №18 شاعىن اۋدانىنداعى جىلۋ جۇيەسىن جاڭارتۋ جۇمىسى قولعا الىنعان.

ودان بولەك ءبىرقاتار كوشەلەر جوندەلۋ ۇستىندە. اتاپ ايتساق، ارنا اۋىلىنداعى نابەرەجنايا كوشەسى، قوسقۇدىق اۋىلىنداعى التىنسارين كوشەسى، شەڭگەلدىدەگى قوجاحان بابا جانە جامبىل كوشەلەرى جاڭارتىلماق.

بالقاش اۋدانى

بالقاشتا وسى باعدارلاما اياسىندا 30 جوبا ينفراقۇرىلىمدىق جوبا ازىرلەنگەن. بۇعان 2 ملرد 497 ملن تەڭگە قاراجات بولىنگەن ەكەن.

سونىڭ ناتيجەسىندە 293 جاڭا جۇمىس ورنى اشىلىپ، سونىڭ 50 پايىزى، ياعني 148 جاڭا جۇمىس ورنى اۋداندىق حالىقتى جۇمىسپەن قامتۋ ورتالىعى ارقىلى جۇمىسقا الىناتىن بولادى.

بۇگىندە جوسپارلانعان 30 جوبانىڭ 29-ى بويىنشا مەردىگەرلەر انىقتالىپ، كەلىسىم-شارت جاسالعان. حالىقتى جۇمىسپەن قامتۋ ورتالىعى ارقىلى بارلىعى 105 ازامات جۇمىسقا ورنالاسقان.

باعدارلاما بويىنشا اۋداندىق تۇرعىن ۇي-كوممۋنالدىق شارۋاشىلىعى ءبولىمى ارقىلى 3 جوبا جوسپارلانىپ، كەلىسىم-شارت جاسالىنىپ قول قويىلدى. ءبىلىم ءبولىمى ارقىلى 13 جوبا جوسپارلانعان. جولاۋشىلار كولىگى جانە اۆتوموبيل جولدارى ءبولىمى ارقىلى 12 جوبا جوسپارلانىپ، 11 جوبامەن كەلىسىم-شارت جاسالىنىپ قول قويىلدى.

قۇرىلىس ءبولىمى، مادەنيەت جانە تىلدەردى دامىتۋ ءبولىمى 1 جوبادان ىسكە اسىرىلادى دەپ كۇتىلۋدە.

"جۇمىسپەن قامتۋ جول كارتاسى" باعدارلاماسىنىڭ شەڭبەرىندە  قۇيعان اۋىلىنداعى ورتا مەكتەپتىڭ جىلۋ جۇيەسىن  جوندەۋ، سىرتقى قابىرعالارىن قالىڭداتۋ جۇمىسى باستالدى. بۇدان بولەك كوكتال اۋىلىنداعى ورتا مەكتەبىن جوندەۋ جۇمىسى دا قىزۋ جۇرۋدە. "جۇمىسپەن قامتۋ ورتالىعى" ارقىلى جۇمىسقا 30 ادام قامتىلعان.

ىلە اۋدانى

"جۇمىسپەن قامتۋ جول كارتاسى" باعدارلاماسىنىڭ كومەگىمەن ىلە اۋدانىندا 89 جوبا ازىرلەنىپ، بارلىعى 3406 جۇمىس ورنى قۇرىلماق.

الدىڭعى قاتارلى ءىرى جوبالاردىڭ ءبىرى جەتىگەن اۋىلدىق وكرۋگىندەگى №3 ورتا مەكتەبىنە كۇردەلى جوندەۋ جۇمىستارى. سونداي-اق، اۋدانداعى 8 بىردەي مەكتەپتىڭ ىشكى دارەتحاناسى كۇردەلى جوندەۋدەن وتەدى.

بۇدان بولەك، تىلەندييەۆ اۋىلىندا دارىگەرلىك امبۋلاتوريا سالىنادى. اۋداندىق سپورت مەكتەبىنە سونىمەن قاتار بىرنەشە ەلەكتر، سۋ جانە كارىز جۇيەسىلەرىنە اعىمداعى جوندەۋ جۇمىستار جۇرگىزىلەدى. بىرنەشە اۋىلداردا كوشەنى جارىقتاندىرۋ، كوگالداندىرۋ مەن اباتتاندىرۋ جۇمىستارى جاساماق.

اۋدانداعى 50-دەن اسا كوشەگە اعىمداعى جانە ورتاشا جوندەۋ جۇمىستارى جاسالادى.

كەربۇلاق اۋدانى

2020 جىلى كەربۇلاق اۋدانىندا "جۇمىسپەن قامتۋ 2020 جول كارتاسى" باعدارلاماسى ارقىلى 53 ينفراقۇرىلىمدىق جوبانى ىسكە اسىرۋ جوسپارلانۋدا.

وسىنىڭ ناتيجەسىنە 333 جۇمىس ورنى قۇرىلاتىن بولادى.

اۋدانداعى 8 اۋىلدىق وكرۋگتىڭ ورتالىق كوشەلەرى جانە 5 اۋىلدىڭ كىرمە جولىنا ورتاشا جوندەۋ جۇمىستارى جۇرگىزىلەدى.  سارىباستاۋ اۋىلىنىڭ ورتا مەكتەبىنە كۇردەلى جوندەۋ جاسالىنىپ، 35 مەكتەپتىڭ دارەتحاناسى جوندەۋدەن وتەدى. قوعالى اۋىلدىق وكرۋگىندەگى ورتالىق ستاديونعا جوندەۋ جۇمىستارى جۇرگىزىلەدى دەپ كۇتىلۋدە. سونىمەن قاتار دولانالى، ونجاس اۋىلدارىنىڭ سۋ جۇيەسىنىڭ قۇرىلىسى باستالادى.

سارىوزەك، قوعالى جانە قاراشوقى اۋىلدارىنا تۇنگى جارىقتاندىرۋ جۇمىستارى جاسالىنادى.

قوعالىدا شاعىن فۋتبول الاڭى مەن بالالار ويىن الاڭى سالىنادى جانە جاستار ساياباعى مەن ۇوس ارداگەردەرلەرىنە ارنالعان ەسكەرتكىش جانە كىزىلجار اۋىلىنداعى ۇوس ارداگەرلەرىنىڭ ەسكەرتكىش تاقتاسى اعىمداعى جوندەۋدەن وتەدى.  وسى جوسپارلاردى جۇزەگە اسىرۋ كەزىندە 165 ادام اۋداندىق جۇمىسپەن قامتۋ ورتالىعى ارقىلى جۇمىسقا قابىلدانباق.

تەكەلى قالاسى

تەكەلى قالاسىندا بارلىعى 13 جوبا جۇزەگە اسۋدا. جازعى ماۋسىمدا تەكەلىنىڭ 100-گە تارتا تۇرعىنى جۇمىسقا قابىلدانعان. ونىڭ ىشىندە 13ء-ى جول قۇرىلىسىنىڭ باسى-قاسىندا ءجۇر.

جاقىندا قالا كوشەلەرى مەن جاياۋ جۇرگىنشىلەرگە ارنالعان جولدار قالپىنا كەلتىرىلمەك. قالانىڭ كىرەبەرىسى جانە كۇنشىعىس كوشەسىنە دەيىنگى جولدا جاڭا ارىق ناۋالارى سالىنىپ، جاياۋ جۇرگىنشىلەر جولىنىڭ قاڭقاسى قالانۋدا. سونداي-اق، وراقتى باتىر، جانسۇگىروۆ، ءال-فارابي كوشەلەرىنىڭ جيەگىنە ارىق جۇيەلەرى توسەلۋدە.

بۇدان بولەك تەكەلىدە بالالارعا ارنالعان 22 ويىن الاڭى سالىنادى. بۇگىندە الاڭداردىڭ ورنىن دايىنداۋ جۇمىستارى جۇرگىزىلۋدە: قۇرىلىسشىلار قۇم سەۋىپ، تاس توسەنىشتەردى ورنىقتىرۋدا.

ەڭبەكشىقازاق اۋدانى

اۋداندا «جۇمىسپەن قامتۋدىڭ جول كارتاسى-2020» باعدارلاماسى اياسىندا 106 جوبا جۇزەگە اسىرىلادى. بۇل ماقساتتا قازىنادان 11 ملرد 513 ملن تەڭگە قاراستىرىلعان.

اۋدان حالقى ءۇشىن جاعىمدى جاڭالىقتا جوق ەمەس. باعدارلاما شەڭبەرىندە 3152 جۇمىس ورنى قۇرىلادى. 1576 ورنىن جۇمىسپەن قامتۋ ورتالىقتارىندا كەزەكتە تۇرعان تۇرعىندارعا بۇيىرادى.

بارشا قۇرىلىس جۇمىستارى اياقتالعاننان كەيىن اۋداندا 250 تۇراقتى جۇمىس ورنى اشىلادى. اۋقىمدى جۇمىستاردىڭ قاتارىنا ەسىك قالاسىنان بوي كوتەرەتىن 1500 ورىنعا لايىقتالعان مەكتەپتىڭ قۇرىلىسى كىرەدى. ءبىلىم ورداسىنىڭ قۇرىلىسىنا 1253 ادام جۇمىلدىرىلعان. ونىڭ ىشىندە 630 ادام جەرگىلىكتى جۇمىسپەن قامتۋ ورتالىعى ارقىلى ەڭبەكپەن قامتاماسىز ەتىلگەن.

سونىمەن قاتار، ەڭبەكشىقازاق اۋدانىنداعى 42ء-ى مەكتەپتىڭ ىشىندەگى اجەتحانانى رەتكە كەلتىرۋ جۇرگىزىلۋدە. بۇل ىسكە 84 ادام تارتىلعان. باعدارلاما كومەگىمەن شەلەكتەگى پوليتەحنيكالىق كوللەدج كۇردەلى جوندەۋدەن وتەدى. جوندەۋ جۇمىستارى 15 مامىردا باستالعان. جەلتوقسان ايىنىڭ 20 جەلتوقسانىندا قولدانىسقا بەرىلەدى دەپ كۇتىلۋدە. 274 ادام جۇمىسقا تارتىلسا، 137ء-سى جۇمىسپەن قامتۋ ورتالىعى ارقىلى ەڭبەككە ارالاسقان.

سارقان اۋدانى

سارقان اۋدانى بويىنشا «جۇمىسپەن قامتۋ جول كارتاسى» باعدارلاماسى اياسىندا 45 جوبا ازىرلەنگەن. ونىڭ 44 جوباسىنا 1 ملرد. 603 ملن. 551 مىڭ تەڭگە قاراجات ءبولىنىپ، جۇمىستار باستالدى.

باعدارلاما اياسىندا 427 ۋاقىتشا جۇمىس ورنى اشىلدى. 

لەپسى وڭىرىندە باعدارلاما بويىنشا ءىرىلى-ۇساقتى 4 جوبا قولعا الىنعان. كوكجيدە اۋىلىندا 250 ورىندىق ورتا مەكتەپكە كۇردەلى جوندەۋ جۇرگىزىلۋدە. قارابوگەت اۋىلىندا 1976 جىلى سالىنعان 220 ورىندى مادەنيەت ءۇيىنىڭ كۇردەلى جوندەۋ جۇمىستارى باستالىپ كەتتى.

لەپسى، المالى اۋىلدىق وكرۋگتەرىندە توزىعى جەتكەن اۋىز سۋ قۇبىرلارىن اۋىستىرۋ جۇمىستارى باستالىپ، وعان 72 ملن قاراجات بولىنگەن. جالپى، سۋ قۇبىرلارىنىڭ ۇزىندىعى 1600 مەتردى قۇرايدى.

بۇدان بولەك بيىل سارقان قالاسىندا 9 كوپ قاباتتى تۇرعىن ۇيلەردىڭ الدىن ابباتتاندىرۋ جۇمىسى باستالدى. جوندەۋگە 210 ملن تەڭگە قاراجات قاراستىرىلعان. سارقان قالاسىن جىلۋمەن قامتاماسىز ەتىپ وتىرعان «سارقان جىلۋ» قازاندىقتارى جوندەلۋدە. اۋدان مەكتەپتەرىنىڭ ىشكى دارەتحانا جۇمىستارى بويىنشا 19 جوبا قولعا الىنعان.

سونىمەن قاتار، اۋداندا تۋريزم سالاسىن دامىتۋ ماقساتىندا «جوڭعار-الاتاۋى» پارك اۋماعىن سانيتاريالىق-گيگيەنالىق توراپتارمەن جايلاستىرۋ جۇمىستارى باستالماق. وعان 40 ملن تەڭگە قاراجات بولىنگەن.

ۇيعىر اۋدانى

«جۇمىسپەن قامتۋدىڭ جول كارتاسى-2020» باعدارلاماسىنىڭ ارقاسىندا ۇيعىر اۋدانىندا 178 ادام جۇمىسقا ورنالاسادى.

بۇل 34 جوبانىڭ شەڭبەرىندە جۇزەگە اسىرىلادى. وسى ماقساتتا بيۋدجەتتەن 1 ملرد 886 ملن تەڭگە قارجى بولىنگەن.

34 جوبانىڭ ىشىندە 21ء-ى ءبىلىم مەكەمەلەرىن جوندەۋدەن وتكىزۋگە باعىتتالعان. سونىمەن قاتار، كەتپەن اۋىلىنداعى مادەنيەت ءۇيىن كۇردەلى جوندەۋدەن وتكىزۋ جوسپارلانعان.  تۇرعىن ۇيلەردى قالپىنا كەلتىرۋ مەن سۋ تارتۋ جۇمىستارى، ءجول جوندەۋ دە نازاردان تىس قالماعان.

(ۇيعىر اۋدانىنا قاتىستى اقپاراتتى الداعى ۋاقىتتا تولىقتىراتىن بولامىز) 

قاراساي اۋدانى

قاراساي اۋدانى بويىنشا "جۇمىسپەن قامتۋدىڭ جول كارتاسى-2020" بويىنشا 62 نىساننىڭ قۇرىلىسى ىسكە اسۋدا. بۇلارعا تارتىلاتىن جۇمىسشىلاردىڭ 50 پايىزىن جەرگىلىكتى تۇرعىندار قاتارىنان الۋ قاجەت دەگەن ناقتى تالاپ بار.

بۇدان باسقا وسى جوبالاردى جۇزەگە اسىرۋدا پايدالانىلاتىن ماتەريالدىڭ 90 پايىزى وتاندىق ءونىم بولۋى ءتيىس. بۇل نىسانداردىڭ بارلىعى اعىمداعى جىلى اياقتالادى.

باعدارلاما كومەگىمەن بارلىعى 340 ادام جۇمىسقا ورنالاسادى. جوبا جايىندا ايتساق رايىمبەك اۋدانىندا كەشكى دەمالىسقا ارنالعان ساياباق پەن سپورت كەشەنى سالىنىپ جاتىر. ساياباققا بولىنگەن اۋماق 1،3 گا قۇرايدى. جوباعا بولىنگەن قاراجات 53 ملن.تەنگە. ايتا كەتەرلىگى، مۇندا اۆتوسۋارۋ جۇيەسى ورناتىلعان گۇلزارلار بار. وندا گۇلدەر مەن كوگالدى شوپتەر ەگىلەدى.

ال تۇرار اۋىلىنا تازا اۋىز سۋ كەلەدى. وسى ماقساتقا "جۇمىسپەن قامتۋ جول كارتاسى" باعدارلاماسى بويىنشا 851 ملن. تەڭگە ءبولىندى.  اۋدان تۇرعىندارى جۇمىسقا الىندى. جالپى وبەكتىدە 87 ادام ەڭبەك ەتۋى ءتيىس. ءقازىر مۇندە 50 جەرگىلىكتى تۇرعىن جۇمىسقا تۇرعان.

بۇدان بولەك قۇمارال اۋىلىندا ۇزىندىعى 9 شاقىرىمدى قۇرايتىن ەلەكتر جەلىلەرىن قايتا جاڭعىرتۋ جۇمىستارى جۇرگىزىلۋدە.  بۇعان 61 ملن تەڭگە بولىنگەن. قاسكەلەڭ، قوشمامبەت، بەكبولات، قاينار، ەڭبەكشى، دولان، جىبەك جولى اۋىلىندا دا ەلەكترمەن جابدىقتاۋ جەلىلەرىنە اعىمداعى جوندەۋ جۇمىسى جۇرگىزىلۋدە.

جامبىل اۋدانى

جامبىل اۋدانىندا قۇنى 7 ملرد 169 ملن تەڭگەنى 56 جوبا جۇزەگە اسادى. مۇنىڭ بارلىعى «جۇمىسپەن قامتۋدىڭ جول كارتاسى-2020» باعدارلاماسى اياسىندا قولعا الىنباق.

وسىنىڭ ناتيجەسىندە 1394 جۇمىس ورنى قۇرىلادى. بارلىق جوبالار ىسكە قوسىلعاننان كەيىن اۋداندا 251 تۇراقتى جۇمىس ورنى اشىلادى دەپ جوسپارلانعان.

بۇگىنگى كۇنى جۇمىسپەن قامتۋ ورتالىعى ارقىلى 698 ادام ەڭبەككە تارتىلعان.

56 جوبانىڭ 25ء-ى ءبىلىم وشاقتارىن قالىپقا كەلتىرۋگە باعىتتالعان. بۇعان بيۋدجەتتەن 72 ملن. 573،4 مىڭ تەڭگە قاراجات بولىنگەن. ونىڭ 29 ملن. 399،0 مىڭ تەڭگەسى يگەرىلىپ ۇلگەرگەن.

ۇزىناعاش اۋىلىندا 1500 ورىنعا ارنالعان مەكتەپ بوي كوتەرمەك. جانە دە سۇرانشى باتىر اۋىلىنداعى بالاباقشا مەن مادەنيەت ءۇيى قالپىنا كەلتىرىلمەك. بۇل ءىستى سوڭىنا جەتكىزۋ ءۇشىن جەرگىلىكتى جۇمىسپەن قامتۋ ورتالىعى ارقىلى 132 ادام ەڭبەككە تارتىلعان.

جول جوندەۋمەن ءتورت بىردەي كومپانيا اينالىسۋدا. اتالعان جوبانىڭ توڭىرەگىندە 266 جۇمىس ورنى دايارلانسا، سونىڭ 132-نە جۇمىسپەن قامتۋ ورتالىعى ارقىلى تۇرعىندار جۇمىسقا تارتىلعان. بۇدان سىرت تۇرعىن ءۇي مەن سۋ تارتۋ جۇيەلەرى بويىنشا 24 جوبا قولعا الىنعان ەكەن. بۇل باعىتتى 156 ادام جۇمىسپەن قامتىلىپتى.

اقسۋ اۋدانى

اقسۋ اۋدانىندا «جۇمىسپەن قامتۋ جول كارتاسى» بويىنشا 52 جوبا ىسكە اسىرىلادى. اتالمىش جوبا اياسىندا 2 ملرد 148 ملن تەڭگە قاراجات بولىنگەن.

سونىڭ ارقاسىندا 537 جۇمىس ورنى اشىلادى دەپ جوسپارلانعان. ونىڭ ىشىندە 268 ادام حالىقتى جۇمىسپەن قامتۋ ورتالىعىنىڭ جولداماسى ارقىلى جۇمىسقا تۇرادى.

ءازىر ءى.جانسۇگىروۆ اۋىلىنداعى ءبورىباي باتىر ەسكەرتكىشىن ورناتۋ، ورتالىق ساياباقتى اباتتاندىرۋ جۇمىستارى باستالۋدا. سونداي-اق اراسان، ەڭبەك اۋىلدارىنا سۋ قۇبىرلارى تارتىلادى. جول كارتاسى بارىسىندا كوشەدەگى شامداردى قالپىنا كەلتىرۋ، اۋىلدى جارىقتاندىرۋ نازاردان تىس قالماعان. بۇل جۇمىستار، ءى.جانسۇگىروۆ، قالاپ، قىزىلاعاش اۋىلدارىندا جۇرگىزىلمەك.

ال، كوشكەنتال، ەڭبەك، ماتاي، كوكوزەك، ەگىنسۋ، قىزىلاعاش، ب.سىرتتانوۆ، اقسۋ، ساعابۇيەن، ءى.جانسۇگىروۆ، ن.ەسەبولاتوۆ، مولالى، قاراكوز اۋىلدارىندا جالپى 14 سپورت الاڭدارى سالىنادى دەپ جوسپارلانعان.

اۋدان بويىنشا 27 مەكتەپتىڭ اجەتحانالارى مەكتەپ ىشىنە كىرگىزىلەدى.

ەسكەلدى اۋدانى

"جۇمىسپەن قامتۋ" باعدارلاماسىنىڭ شاپاعاتىن كورگەندەر قاتارىندا ەسكەلدى جۇرشىلىعى دا بار.

بيىل ءدال وسى اۋدانعا قازىنادان 3 ملرد 22 ملن تەڭگە بولىنگەن. اتالعان قاراجاتقا اۋدان بويىنشا جوسپارلانعان 59 جوبانى ىسكە اسىرۋ جوسپارلانعان.

قولعا العان ءىستىڭ ارقاسىندا ەسكەلدى اۋدانىندا ءازىردىڭ وزىندە 520 ادام جۇمىسپەن قامتىلعان. ونىڭ ىشىندە 262 تۇرعىن اۋداندىق جۇمىسپەن قاتۋ ورتالىعى ارقىلى ەكى قولعا، ءبىر كۇرەك تاۋىپتى.

باعدارلاما اياسىندا اتقارىلىپ جاتقان جوبالاردىڭ ىشىندەگى ەڭ اۋقىمدىسى – باقتىباي اۋىلدىق وكرۋگىندە ورنالاسقان مادەنيەت ءۇيىنىڭ كۇردەلى جوندەۋدەن ءوتۋى.  ونەر وشاعىنىڭ 20 جىلدان كەيىن ەكىنشى تىنىسى اشىلعالى تۇر. ءسان-سالتاناتى جاراسقان ءان مەن كۇيدىڭ ورداسىنا كورەرمەننىڭ كەلمەگەنىنە ءبىراز جىلدىڭ ءجۇزى بولعان. سۋ جاڭا كۇيگە ەنگەلى تۇرعان بۇل نىساننىڭ قۇرىلىسىن جۇرگىزۋگە 59 ادام جۇمىلعان.

كوكسۋ اۋدانى

اۋداندا باعدارلاما اياسىندا 26 جوبا ىسكە اسىرىلىپ، 400-گە جۋىق ادام جۇمىسقا ورنالاسپاقشى.

ءازىر دارىگەرلىك امبۋلاتوريا كۇردەلى جوندەۋدەن وتۋدە. كۇنىنە 20 ادامدى قابىلداۋعا قاۋقارلى مەديسينالىق پۋنكت جۇمىستارىنا 181 ملن.تەڭگە قاراجات قاراستىرىلعان.

بۇدان بولەك باعدارلاما شەڭبەرىندە بىلتىر قۇرىلىسى باستالعان قىزىلتوعان اۋىلىنداعى 120 ورىنعا لايىقتالعان ءبىلىم ورداسى ەسىگىن ايقارا اشادى دەپ كۇتىلۋدە. بۇدان باسقا اينابۇلاق اۋىلىندا رامازانوۆ كوشەسىنىڭ جولى جاڭارتىلىپ، مادەنيەت ءۇيىنىڭ جانىنان فەلشەرلى اكۋشەرلى پۋنكت بوي كوتەرەتىن بولادى.

جوندەۋ جۇمىستارىنان كوشەنى رەتكە كەلتىرۋ دە سىرت قالماعان. بۇل ماقساتتا 19 ملن تەڭگە قاراستىرىلعان. باعدارلاما قولداۋىمەن اۋدانداعى 5 مەكتەپ كۇردەلى جوندەۋدەن وتەدى.

ازىرلەگەن انار سابىروۆا،

Dalanewsء-تىڭ الماتى وبلىسى بويىنشا مەنشىكتى ءتىلشىسى