"شىن مانىندە ەرمەگيايەۆ VIP-كامەرادا وتىردى دەگەن اقپارات شىندىققا جاناسپايدى. تەك جازاسىن وتەۋ مەكەمەسىندە وعان ارنايى كابينەت جابدىقتالعان. وعان قوسا، ەرمەگيايەۆ وتىرعان كامەرادا وعان بەلگىلى ءبىر دارەجەدە جەڭىلدىكتەر بەرىلگەن»، - دەدى قايرات جاقىپبايەۆ.
سونداي-اق، جاقىپبايەۆتىڭ سوزىنە سۇيەنسەك، سوتتالعان ازاماتقا كۇندىز ازداپ ەركىندىك بەرىلگەنىمەن، تۇندە ول كامەراسىندا جاتقان.
"بۇل وقيعاعا قاتىستى قىلمىستىق ءىس قوزعالىپ، قىزمەتكەرلەر جۇمىستان شىعارىلدى. 16 ادام جازاعا تارتىلدى. قاڭتار ايىندا پروكۋرورلار بارلىق تۇزەۋ مەكەمەلەرىن تەكسەرىپ شىقتى. وندا سوتتالعان ازاماتتاردان ۇيالى تەلەفون، تۇرمىستىق تەحنيكا، كىلەم مەن جيھازدار تابىلعان"، - دەدى جاقىپبايەۆ.
اتالعان فاكتىلەر ق ر ءىىم باسشىلىعىنا جولداندى.
ەسكە سالساق، "استانا ەكسپو-2017" ۇلتتىق كومپانياسىنىڭ بۇرىنعى باسشىسى تالعات ەرمەگيايەۆ پارا العانى ءۇشىن سوتتالعاننان كەيىن وعان تۇرمەدە جايلى جاعداي جاسالعان. بۇل تۋرالى ءىىد جۇرگىزگەن تەكسەرىس بارىسىندا اشكەرە بولعان ەدى.
دەرەككوز: nur.kz
