پرەزيدەنت قاسىم-جومارت توقاەۆ سىرتقى ساياسات, ەلەم ەلدەرٸمەن بايلانىس تۋراسىندا سٶز قوزعادى, - دەپ حابارلايدى Dalanews.kz.
"تەڭگەرٸمدٸ ەرٸ سىندارلى سىرتقى ساياسات جٷرگٸزە وتىرىپ, بارلىق مٷددەلٸ مەملەكەتپەن تەڭقۇقىقتى جەنە ٶزارا تيٸمدٸ قاتىناس ورناتامىز. بٸز سەرٸكتەستٸككە باسا مەن بەرەمٸز. ارامىزدى اجىراتىپ, سەنٸمگە سىزات تٷسٸرەتٸن قابىرعا تۇرعىزۋ ٷشٸن ەمەس, ىنتىماقتاستىق پەن ٶزارا تٷسٸنٸستٸككە باستايتىن كٶپٸر سالۋ ماقساتىندا جٷيەلٸ جۇمىس ٸستەيمٸز. الايدا قازٸرگٸ ۋاقىتتا جانجالدار مەن سوعىس ٶرتٸ باسىلماي تۇرعان ايماقتاردا مۇنداي سىندارلى ساياسات جٷرگٸزۋ ٶتە اۋىر. ول ٷشٸن تاباندىلىق پەن سابىرلىق كەرەك.
ديپلوماتييا مەن ديالوگ جولىن ۇستانا وتىرىپ, بٸز ٷيلەسٸمدٸ ەرٸ ەدٸلەتتٸ حالىقارالىق قۇرىلىم قۇرۋدى جاقتايمىز. بٸز ەل ٸشٸندە جان-جاقتى رەفورمالاردى جٷزەگە اسىرىپ جاتىرمىز. سونداي-اق قانداي دا بٸر ساياسي جاعدايدىڭ ىعىنا جىعىلماي نەمەسە بٶتەن پٸكٸرلەرگە ەرمەي, ۇلتتىق مٷددەمٸزدٸ كٶزدەيتٸن تەڭگەرٸمدٸ سىرتقى ساياسات جٷرگٸزٸپ وتىرمىز.
مەملەكەت باسشىسى رەتٸندە, مەن ٷشٸن تەۋەلسٸزدٸك قۇندىلىقتارىن ساقتاۋ, حالىقتىڭ ەل-اۋقاتىن ارتتىرۋ جەنە ەلٸمٸزدٸ قارقىندى دامىتۋ – باستى مٸندەت. مەن ەردايىم وسى نەگٸزگٸ قاعيداتقا باسا مەن بەرەمٸن. بەس جىل ٸشٸندە بٸز ساياسات پەن ەكونوميكادان باستاپ, مەدەنيەت پەن بٸلٸم بەرۋ ٸسٸنە دەيٸنگٸ بارلىق ماڭىزدى سالالار بويىنشا اۋقىمدى ەرٸ ينستيتۋتسيونالدى ٶزگەرٸستەردٸ جٷزەگە اسىرا الدىق. ەڭ باستىسى, بٸز حالىقتىڭ بويىنداعى شىنايى ٶزگەرٸستەرگە دەگەن سەنٸمدٸ وياتتىق. بٸز ٶز باعىتىمىزدان قايتپايمىز. قولعا العان رەفورمالاردىڭ بەرٸن جوسپارلى تٷردە ٸسكە اسىرا بەرەمٸز", - دەدٸ پرەزيدەنت.
