بالقاشتىڭ ورتالىق ساياباعىندا «قازاقمىس» كورپوراتسيياسىنىڭ باستاماسىمەن 2,5 مىڭ اعاش وتىرعىزىلىپ, جاڭا جاسىل ايماق قۇرىلىپ جاتىر, دەپ حابارلايدى dalanews.kz.
كٶگالداندىرۋ جۇمىستارى «تازا قازاقستان» رەسپۋبليكالىق ەكولوگييالىق اكتسيياسى اياسىندا ۇيىمداستىرىلدى. جوبا بويىنشا ورتالىق ساياباق اۋماعىنا 500 قاراعاش جەنە 2 مىڭ پيراميدالى تەرەك وتىرعىزۋ جوسپارلانعان.
ٸس-شاراعا «قازاقمىس» كورپوراتسيياسىنىڭ باسقارما تٶراعاسى رۋسلان ٶسكەنەلٸ مەن بالقاش قالاسىنىڭ ەكٸمٸ سايان مۇراتۇلى قاتىستى.
جۇمىستار بيٸكتٸگٸ شامامەن 2,5 مەتر بولاتىن ٸرٸ كٶشەتتەردٸ وتىرعىزۋ ارقىلى جٷرگٸزٸلٸپ جاتىر. اعاشتار توپىراق تٷيٸرشٸگٸمەن قازىپ الىنىپ, ارنايى دايىندالعان ورىندارعا وتىرعىزىلادى.
جوبا اياسىندا اعاش وتىرعىزىلاتىن اۋماق الدىن الا دايىندالىپ, تامشىلاتىپ سۋارۋ جٷيەسٸ ورناتىلۋدا. العاشقى سۋارۋ جۇمىستارى دا جٷرگٸزٸلدٸ.
جوبانى ٸسكە اسىرۋعا جالپى 57,5 ملن تەڭگە باعىتتالعان. قاراجات اۋماقتى دايىنداۋعا, كٶشەتتەردٸ جەتكٸزۋ مەن وتىرعىزۋعا, سۋارۋ جٷيەسٸن ورناتۋعا جەنە باسقا دا قاجەتتٸ جۇمىستارعا جۇمسالادى.
بارلىق وتىرعىزۋ جۇمىستارىن قازان ايىنىڭ سوڭىنا دەيٸن اياقتاۋ جوسپارلانىپ وتىر.
جاڭا جاسىل ايماق ورتالىق ساياباقتىڭ بٸر بٶلٸگٸنە اينالىپ, ونى ودان ەرٸ اباتتاندىرۋعا مٷمكٸندٸك بەرەدٸ. جوبا قالالىق ورتانىڭ جايلىلىعىن ارتتىرىپ, بالقاش تۇرعىندارىنىڭ دەمالىسىنا قولايلى جاعداي جاساۋعا باعىتتالعان.
«قازاقمىس» كورپوراتسيياسى قاتىساتىن ٶڭٸرلەردە ەكولوگييالىق جەنە ەلەۋمەتتٸك جوبالاردى جٷزەگە اسىرۋدى جالعاستىرىپ, قوعامدىق كەڭٸستٸكتەردٸ اباتتاندىرۋ مەن قالالىق ينفراقۇرىلىمدى دامىتۋعا باسىمدىق بەرٸپ كەلەدٸ.
