دەنساۋلىق ساقتاۋ ۆەدومستۆوسى باسشىسىنىڭ ايتۋىنشا، بالالار ءۇشىن «BioNTech-Pfizer» ۆاكسيناسىن ساقتاۋ – جازعى دەمالىستان كەيىن گەرمانيانىڭ ورتا مەكتەپتەرىنىڭ اشىلۋىن قامتاماسىز ەتۋدىڭ ءتيىمدى ءادىسى. وسىلايشا تامىز ايىنىڭ سوڭىنا قاراي ۆاكسينانى بارلىق مەكتەپ وقۋشىسىنا ۇسىنباقشى.
نەمىس جانە امەريكالىق كومپانيالار بىرلەسىپ شىعارعان ۆاكسينا – بۇل 12 جاستان 15 جاسقا دەيىنگى بالالار اراسىندا قولدانۋعا ارنالعان ەۋروپالىق دارى-دارمەك اگەنتتىگىنىڭ ساراپتاماسىنان ءوتىپ جاتقان جالعىز پرەپارات.
گەرمانيادا بارلىق نەمىس جەرىندە مەكتەپتەردى جابۋدىڭ جانە قايتا اشۋدىڭ ءبىرىڭعاي ەرەجەلەرى بار. «شۇعىل تەجەۋ» مەحانيزمى، ەگەر اۋرۋ دەڭگەيى قانداي دا ءبىر اكىمشىلىك بىرلىكتە 100 مىڭ ادامعا شاققاندا جاڭا COVID-19 جۇقتىرۋ جاعدايلارىنىڭ سانى 165-تەن اسىپ كەتسە، مەكتەپتەردە ساباق بەرۋ تولىعىمەن توقتاتىلاتىنىن بىلدىرەدى.
ەگەر اۋرۋ دەڭگەيى وسى دەڭگەيدەن تومەن تۇسسە، قاشىقتان جانە كۇندىزگى وقۋ فورماتى ەنگىزىلەدى. «BioNTech-Pfizer» ۆاكسيناسىن كانادا مەن اقش 12-15 جاس ارالىعىنداعى بالالارعا قولدانادى.
