ستاتيستيكالىق مالىمەتتەر بويىنشا، ەلىمىزدە ءاربىر ءۇشىنشى ازامات جۇبايىنا وپاسىزدىق جاسايدى ەكەن. مۇنىڭ دالەلدەرى دە جوق ەمەس. ەل الدىندا جۇرگەن تانىمالدار ارىپتەستەرىنە ۇيلەنىپ، وتباسىلارىن تاستاپ كەتۋدە. وسى ورايدا، باعلان ءابدىرايىموۆ ەكىنشى رەت وتباسىنا قۇرۋ تاقىرىبىنا قاتىستى پىكىر ءبىلدىردى.
– جاستىقپەن جاسالعان دۇنيەنى كەشىرۋگە بولادى. ال جىگىتتىك جاسقا كەلىپ، اقىل ەس توقتاتقان كەزدە، باسى اينالىپ، وتباسىن تاستاپ، باسقا ءبىر ارۋدىڭ جەتەگىندە كەتۋ – مەن ءۇشىن ءسال قيىنىراق نارسە. مۇنداي سەزىمدەردى كوپ تۇسىنە بەرمەيمىن. ءوزىڭنىڭ بالاپاندارىڭنىڭ ماحابباتىنان ارتىق نە نارسە بولۋى مۇمكىن؟! ماڭگىلىك ماحابباتىڭمەن اللا تاعالانىڭ قالاۋىمەن بەرىك بولساڭ، باسقا ارتىق قادامدارعا بارا المايسىڭ، – دەيدى باعلان ءابدىرايىموۆ.
