باعانى نەگىزسىز وسىرگەن 73 دەلدال ساۋدا تىزبەگىنەن شىعارىلدى، دەپ حابارلايدى Dalanews.kz.
ساۋدا جانە ينتەگراسيا مينيسترلىگىنىڭ مالىمەتىنشە، جىل باسىنان بەرى ەل بويىنشا وڭىرلىك كوميسسيالاردىڭ 316 وتىرىسى وتكەن. ناتيجەسىندە ساۋدا تىزبەكتەرىنەن 73 دەلدالدىق بۋىن الىنىپ تاستالعان.
ساۋدا كوميتەتى اكىمدىكتەرگە بۇل جۇمىستىڭ ناقتى ناتيجەلىلىگىن قامتاماسىز ەتۋدى جانە جەتكىزۋ تىزبەكتەرىنىڭ اشىق ءارى ءتيىمدى قالىپتاسۋىن باقىلاۋدى كۇشەيتۋدى تاپسىردى.
ۆەدومستۆونىڭ حابارلاۋىنشا، ەل بويىنشا بازارلاردا، ەڭ الدىمەن كوتەرمە ساۋدا سەگمەنتىندە كەشەندى جۇمىس باستالعان. وعان مەملەكەتتىك كىرىستەر ورگاندارى، ىشكى ىستەر ورگاندارى، مونوپولياعا قارسى ورگان جانە جەرگىلىكتى اتقارۋشى ورگاندار تارتىلعان. جۇمىستى ۇيلەستىرۋدى ساۋدا جانە ينتەگراسيا مينيسترلىگى جۇزەگە اسىرىپ وتىر.
