قازاقستان پرەمەر-مينيسترى باقىتجان ساعىنتايەۆ ءبىرىڭعاي جيناقتاۋشى زەينەتاقى قورى قاراجاتىن ءازىربايجان حالىقارالىق بانكىنەن قايتارۋمەن اينالىساتىن ارنايى وكىل تاعايىنداعانىن مالىمدەدى.

مامىر ايىنىڭ ورتاسىندا بجزق 71،3 ملرد تەڭگە (شامامەن 225 ملن دوللار) كولەمىندە ينۆەستيسيا سالعان ءاحب دەفولتقا ۇشىراعانى بەلگىلى بولدى.

ساعىنتايەۆتىڭ ايتۋىنشا، ۇكىمەت قازاقستان ازاماتتارىنىڭ زەينەتاقى اكتيۆتەرىن ساقتاۋعا مۇددەلى، سول سەبەپتى پرەمەر-مينيستردىڭ ارنايى وكىلدەرىن تاعايىندادى. "مەن ءازىربايجاندىق پرەمەر-مينيسترمەن سويلەستىم، ول قارىزدى قايتارۋعا قولداۋ كورسەتەتىنىن ايتتى"، - دەدى ساعىنتايەۆ. بۇل تۋرالى قازاقپارات رەسمي اقپارات اگەنتتىگى حابارلادى.

ساعىنتايەۆتىڭ ايتۋىنشا، 23 مامىردا لوندوندا شەتەلدىك نەسيەگەرلەردىڭ كەزدەسۋى كەزىندە قارىزدى قايتارۋ شارتتارى جاريالانعان.

قازاقستاندىقتار تابىسىنىڭ 10 پايىزى زەينەتاقى قورىنا اۋدارىلادى. زەينەتاقى اكتيۆتەرىن باسقارۋعا ۇلتتىق بانك جاۋاپتى. قازاقستان ۇلتتىق بانكىنىڭ ءتوراعاسى دانيار اقىشيەۆتىڭ مالىمدەۋىنشە، بجزق قاراجاتىن احب-نە سالۋ تۋرالى شەشىمدى ۇلتتىق بانكتىڭ بۇرىنعى باسشىلىعى قابىلداعان.