ەكى كۇندىك اۋىل شارۋاشىلىعى جارمەڭكەسىندە جالپى قۇنى 105،5 ميلليون تەڭگەنى قۇرايتىن 177 توننادان استام اۋىل شارۋاشىلىعى تاۋارلارى ۇسىنىلادى. ونىڭ ىشىندە 25 تونناعا جۋىق ەت ونىمدەرى (جىلقى، شوشقا، تاۋىق ەتتەرى)، 10 توننا شۇجىق ونىمدەرى، 13 توننا ءسۇت ونىمدەرى، 5 مىڭ دانا جۇمىرتقا، 1،5 توننا كونديتەرلىك ونىمدەر مەن 6 توننا ماكارون ونىمدەرى، 10 توننا قانت، 0،5 توننا تۇز، 7 توننا بالىق، 2 توننا بال جانە 80 توننا جەمىس-جيدەك پەن كوكونىس ونىمدەرى بار.
جارمەڭكەدە ۇسىنىلاتىن تاۋار باعالارى نارىق باعاسىنان 8-20 پايىزعا تومەن بولادى دەپ كۇتىلۋدە. سونداي-اق، بۇل كۇندەرى ءوڭىرىمىزدىڭ ءدۇلدىل ونەرپازدارى اقتوبەلىكتەرگە كونسەرتتىك باعدارلامالارىن ۇسىنادى.
ءوڭىرارالىق ىنتىماقتاستىقتى نىعايتۋ ماقساتىندا ۇيىمداستىرىلعان ءىسساپاردى وبلىس اكىمى ك. كوكىرەكبايەۆتىڭ ءوزى باستاپ بارادى. ەكى كۇندىك جۇمىس ساپارى بارىسىندا قوس وبلىس اراسىنداعى تىعىز قارىم-قاتىناس ورناتۋ، اۋىل شارۋاشىلىعى، ءوندىرىس، مادەنيەت سالالارى بويىنشا ەكىجاقتى مەموراندۋمدارعا قول قويىلادى دەپ كۇتىلۋدە.
جامبىل وبلىس اكىمىنىڭ باسپا ءسوز قىزمەتى
